ਇਹ ਸਫ਼ਾ ਪ੍ਰਮਾਣਿਤ ਹੈ
104
ਝੁਕ ਕੇ ਚੱਕ ਲੈ ਪਤਲੀਏ ਨਾਰੇ
ਪਾਣੀ ਉੱਤੇ ਫੁੱਲ ਤਰਦਾ
105
ਤਾਹੀਓਂ ਕਲੀਆਂ ਸ਼ਰਮ ਨਾਲ ਝੁਕੀਆਂ
ਬਾਗ਼ ਵਿਚੋਂ ਲੰਘੀ ਹੱਸ ਕੇ
106
ਫੁੱਲ ਤੋੜ ਕੇ ਕਦੀ ਨਾ ਖਾਂਦੇ
ਭੌਰ ਭੁੱਖੇ ਵਾਸ਼ਨਾ ਦੇ
107
ਮੇਰਾ ਯਾਰ ਚੰਬੇ ਦੀ ਮਾਲ਼ਾ
ਦਿਲ ਵਿਚ ਰਹੇ ਮਹਿਕਦਾ
108
ਰੋਂ ਗਿਆ ਹੱਡਾਂ ਵਿਚ ਸਾਰੇ
ਸੁੰਘਿਆ ਸੀ ਫੁੱਲ ਕਰਕੇ
109
ਜੰਡ
ਮੈਨੂੰ ਕੱਲੀ ਨੂੰ ਚੁਬਾਰਾ ਪਾ ਦੇ
ਰੋਹੀ ਵਾਲ਼ਾ ਜੰਡ ਵੱਢ ਕੇ
110
ਮਰ ਗੀ ਨੂੰ ਰੁੱਖ ਰੋਣ ਗੇ
ਅੱਕ ਢੱਕ ਤੇ ਕਰੀਰ ਜੰਡ ਬੇਰੀਆਂ
111
ਤੂਤ
ਜੰਡ ਸਰੀਂਹ ਨੂੰ ਦੱਸੇ
ਤੂਤ ਨਹੀਓਂ ਮੂੰਹੋਂ ਬੋਲਦਾ
112
ਯਾਰੀ ਜੱਟ ਦੀ ਤੂਤ ਦਾ ਮੋਛਾ
ਕਦੇ ਨਾ ਵਿਚਾਲਿਓਂ ਟੁੱਟਦੀ
113
ਬੰਤੋ ਬਣ ਬੱਕਰੀ
ਜੱਟ ਬਣਦਾ ਤੂਤ ਦਾ ਟਾਹਲਾ
34:: ਗਾਉਂਦਾ ਪੰਜਾਬ
