ਇਹ ਸਫ਼ਾ ਪ੍ਰਮਾਣਿਤ ਹੈ
413
ਮੈਂ ਤਾਂ ਲੱਗੀਆਂ ਦੇ ਬੋਲ ਪੁਗਾਵਾਂ
ਘਰ ਤੇਰਾ ਦੂਰ ਮਿੱਤਰਾ
414
ਭਿੱਜ ਗਈ ਰੂਹ ਮਿੱਤਰਾ
ਸ਼ਾਮ ਘਟਾਂ ਚੜ੍ਹ ਆਈਆਂ
415
ਰੋਟੀ ਖਾ ਜੀਂ ਭੂਆ ਦਾ ਪੁੱਤ ਬਣ ਕੇ
ਮਿੱਤਰਾ ਦੂਰ ਦਿਆ
416
ਚੱਲ ਮਿੱਤਰਾ ਘਰ ਮੇਰੇ
ਕਰਦੀ ਬੇਨਤੀਆਂ
417
ਯਾਰੀ ਤੋੜ ਕੇ ਖੁੰਡਾਂ ਤੇ ਬਹਿ ਗਿਆ
ਹੁਣ ਕਿਹੜਾ ਰੱਬ ਬਣ ਗਿਆ
418
ਯਾਰੀ ਟੁੱਟੀ ਦਾ ਕੀ ਲਾਜ ਬਣਾਈਏ
ਰੱਸਾ ਹੋਵੇ ਗੱਠ ਦੇ ਲਈਏ
419
ਜਦ ਚੰਦ ਬੱਦਲੀ ਵਿਚ ਆਇਆ
ਭੁੱਲ ਗੀ ਯਾਰ ਦੀ ਗਲ਼ੀ
420
ਯਾਰੀ ਕੱਚਿਆ ਮਸ਼ੂਕਾ ਤੇਰੀ
ਮਿਹਣੋ ਮਿਹਣੀ ਹੋ ਕੇ ਟੁੱਟ ਗੀ
421
ਰਾਹ ਭੁੱਲ ਗੀ ਮੋੜ ਤੇ ਆ ਕੇ
ਲੰਬੀ ਸੀਟੀ ਮਾਰ ਮਿੱਤਰਾ
422
ਮੈਂ ਕਪੜੇ ਦੇਖ ਕੇ ਡੁਲ੍ਹਗੀ
ਦਿਲ ਦਿਆ ਕੰਗਾਲ ਮਿੱਤਰਾ
423
ਸਰੀ ਨਾ ਕੰਗਾਲਾ ਯਾਰਾ
ਇਕ ਤੈਥੋਂ ਮੰਗੀ ਕੁੜਤੀ
70:: ਗਾਉਂਦਾ ਪੰਜਾਬ
