ਇਹ ਸਫ਼ਾ ਪ੍ਰਮਾਣਿਤ ਹੈ
424
ਖੱਦਰ ਹੱਡਾਂ ਨੂੰ ਖਾਵੇ
ਮਲਮਲ ਲਿਆ ਦੇ ਮਿੱਤਰਾ
425
ਤੇਰੇ ਮੂਹਰੇ ਥਾਨ ਸੁੱਟਿਆ
ਸੁੱਥਣ ਸਮਾ ਲੈ ਚਾਹੇ ਲਹਿੰਗਾ
426
ਡੱਬੀ ਵਿਚ ਪਾ ਰੱਖਦੀ
ਮੇਰਾ ਅਮਲੀ ਫੀਮ ਦਾ ਮਾਵਾ
427
ਕੀ ਖੱਟਿਆ ਗੱਲ੍ਹਾਂ ਨੂੰ ਹੱਥ ਲਾ ਕੇ
ਲਲਾ ਲਲਾ ਹੋ ਗੀ ਮਿੱਤਰਾ
428
ਮੂੰਹੋਂ ਮਿੱਠੀਏ ਦਿਲਾਂ ਦੀਏ ਖੋਟੀਏ
ਇਕ ਵਾਰੀ ਬੋਲ ਹੱਸ ਕੇ
429
ਕਾਗ਼ਜ਼ ਹੋ ਗੇ ਕਾਲ਼ੇ
ਬਹਿ ਕੇ ਲਿਖ ਮਿੱਤਰਾ
430
ਕਾਹਤੋਂ ਮਾਰਦੈਂ ਬਸ਼ਰਮਾ ਗੇੜੇ
ਤੇਰੀ ਮੇਰੀ ਅੱਖ ਨਾ ਰਲ਼ੇ
431
ਮੇਰਾ ਕੰਮ ਨੀ ਗਲ਼ੀ ਦੇ ਵਿਚ ਕੋਈ
ਆਵਾਂ ਜਾਵਾਂ ਤੇਰੇ ਬਦਲੇ
432
ਇਕ ਵਾਰੀ ਕਹਿਦੇ ਟੁੱਟ ਗੀ
ਮੈਂ ਵੀ ਛਡਦਾਂ ਗਲ਼ੀ ਦਾ ਖਹਿੜਾ
433
ਇਕ ਵਾਰੀ ਕਹਿਦੇ ਟੁੱਟ ਗੀ
ਕਿਉਂ ਜਾਨ ਗ਼ਮਾਂ ਵਿਚ ਪਾਈ
434
ਯਾਰੀ ਟੁੱਟੀ ਤੇ ਮਾਰਦੈਂ ਗੇੜੇ
ਅੱਗੇ ਨਾ ਬੁਲਾਇਆ ਬੋਲਦਾ
ਗਾਉਂਦਾ ਪੰਜਾਬ:: 71
