ਇਹ ਸਫ਼ਾ ਪ੍ਰਮਾਣਿਤ ਹੈ
508
ਮੈਂ ਕਿਵੇਂ ਮੁਕਲਾਵੇ ਜਾਵਾਂ
ਮਿੱਤਰਾਂ ਦਾ ਪਿੰਡ ਛੱਡ ਕੇ
509
ਮੈਨੂੰ ਯਾਦ ਗੱਡੀ ਵਿਚ ਆਈਆਂ
ਲੱਗੀਆਂ ਤ੍ਰਿੰਜਣਾਂ ਦੀਆਂ
510
ਸੱਸੇ ਵੇਖ ਨੀ ਜਵਾਨੀ ਮੇਰੀ
ਮੋੜ ਪੁੱਤ ਆਪਣੇ ਨੂੰ
511
ਮੇਰੇ ਯਾਰ ਦਾ ਵਿਛੋੜਾ ਪਾਇਆ
ਟੁੱਟ ਜਾਏਂ ਰੇਲ ਗੱਡੀਏ
512
ਪੁੱਤ ਮਰਨ ਬਾਬੂਆ ਤੇਰੇ
ਟਿਕਟਾਂ ਕਿਉਂ ਦਿੱਤੀਆਂ
513
ਨਾ ਜਾ ਬਰ੍ਹਮਾ ਨੂੰ
ਤੇਰੇ ਲੇਖ ਜਾਣਗੇ ਨਾਲ਼ੇ
514
ਪੱਕੀ ਪਕਾਈ ਰਹਿਗੀ ਤਵੇ ਤੇ ਰੋਟੀ
ਬਸਰੇ ਨੂੰ ਤੋਰ ਦਿੱਤਾ
515
ਮੇਰਾ ਲਿਖ ਰੰਡੀਆਂ ਵਿਚ ਨਾਵਾਂ
ਬਸਰੇ ਨੂੰ ਜਾਣ ਵਾਲਿਆ
516
ਭਾਗਾਂ ਵਾਲਿਆਂ ਦੇ ਹੋਣ ਮੁਕਲਾਵੇ
ਸਾਡੇ ਭਾ ਦਾ ਮਲ਼ ਪੈ ਗਿਆ
517
ਮੈਂ ਰੰਡੀਓਂ ਸੁਹਾਗਣ ਹੋਵਾਂ
ਜੇ ਬਸਰੇ ਦੀ ਲਾਮ ਟੁੱਟ ਜੇ
518
ਰੰਨਾਂ ਵਾਲ਼ੇ ਜੰਗ ਜਿਤਦੇ
ਕਿੱਥੇ ਲਿਖਿਆ ਫਰੰਗੀਆ ਦਸ ਵੇ
ਗਾਉਂਦਾ ਪੰਜਾਬ:: 79
