ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਗੀਤਾਂਜਲੀ
੭ਵੀਂ ਕੂੰਜ
ਮੈਨੂੰ ਛੁਟੀ ਮਿਲ ਗਈ ਹੈ, ਹੇ ਮੇਰੇ ਭਰਾਵੋ, ਮੈਨੂੰ ਵਿਦਾ ਕਰੋ। ਮੈਂ ਤੁਹਾਨੂੰ ਸਾਰਿਆਂ ਨੂੰ ਮਥਾ ਟੇਕਦਾ ਹਾਂ ਤੇ ਚਲਦਾ ਹਾਂ।
ਆਹ ਲਵੋ ਮੇਰੇ ਦਰਵਾਜਿਆਂ ਦੀਆਂ ਕੰਜੀਆਂ; ਮੈਂ ਆਪਣੇ ਘਰ ਦੇ ਸਾਰੇ ਹੱਕਾਂ ਨੂੰ ਤਿਆਗਦਾ ਹਾਂ, ਮੈਂ ਤੁਹਾਡੇ ਕੋਲੋਂ ਕੇਵਲ ਅੰਤਮ ਮਿਠੇ ਸ਼ਬਦਾਂ ਦੀ ਮੰਗ ਕਰਦਾ ਹਾਂ।
ਅਸੀ ਬੜਾ ਚਿਰ ਗੁਵਾਂਢੀ ਬਣ ਕੇ ਰਹੇ ਹਾਂ, ਮੈਂ ਜਿੰਨਾ ਲਿਆ ਹੈ, ਉਨਾ ਦੇ ਨਹੀਂ ਸੱਕਿਆ। ਹੁਣ ਦਿਨ ਚੜਿਆ ਹੈ ਅਤੇ ਉਹ ਦੀਪਕ ਬੁਝ ਗਿਆ ਹੈ, ਜਿਸ ਨਾਲ ਮੇਰੀਆਂ ਅੰਨੇਰੀਆਂ ਗੁੱਠਾਂ ਵਿਚ ਚਾਨਣ ਹੁੰਦਾ ਸੀ ਮੈਨੂੰ ਦਰਗਾਹੀ ਸੱਦਾ ਆਇਆ ਹੈ, ਮੈਂ ਯਾਤਰਾ ਲਈ ਤਿਆਰ ਹਾਂ।
੧੧੬
