ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
| ਜੇਨ: | ਰੰਗਾਂ ਦਾ ਸ਼ੁਦਾਅ ਹੋ ਗਿਆ ਤੈਨੂੰ। ਅਜੂਬੇ ਨਜ਼ਰ ਆ ਰਹੇ ਤੈਨੂੰ। ਫੇਰ ਪੀ ਕੇ ਆਇਆਂ...। |
| ਬੇਰੰਜਰ: | ਕੱਲ੍ਹ ਪੀਤੀ ਸੀ, ਪਰ ਅੱਜ ਤਾਂ ਮੂੰਹ ਨੀ ਲਾਈ.. |
| ਜੇਨ: | ਜਿਹੜੇ ਪੀਤੇ ਘੜਿਆਂ ਦੇ ਘੜੇ... ਉਨ੍ਹਾਂ ਦਾ ਫ਼ਲ ਭੋਗ ਰਿਹਾ ਤੂੰ... |
| ਬੇਰੰਜਰ: | ਮੈਂ ਤੈਨੂੰ ਜ਼ਬਾਨ ਦਿੱਤੀ ਸੀ ਕਿ ਨਵਾਂ ਨਕੋਰ ਹੋ ਕੇ ਆਵਾਂਗਾ। ਤੇਰੇ ਵਰਗੇ ਮਿੱਤਰਾਂ ਦੀ ਮੈਂ ਹਮੇਸ਼ਾ ਮੰਨਦਾਂ। ਕੋਈ ਸ਼ਰਮਿੰਦਗੀ ਨਹੀਂ ਹੁੰਦੀ ਮੈਨੂੰ... ਸਗੋਂ ਉਲਟਾ ! |
| ਜੇਨ: | ਤੈਨੂੰ ਕੀ ਹੁੰਦੈ... ਮੈਨੂੰ ਕੋਈ ਫ਼ਰਕ ਨਹੀਂ ਪੈਂਦਾ। ਘਰਰ... |
| ਬੇਰੰਜਰ: | ਕੀ ਕਿਹਾ... |
| ਜੇਨ: | ਮੈਂ ਕੁਝ ਨਹੀਂ ਕਿਹਾ। ਸਿਰਫ਼ ਘਰਰ ਕੀਤਾ, ਕਿਉਂਕਿ ਮੇਰਾ ਜੀ ਕੀਤਾ ...। |
| ਬੇਰੰਜਰ: | (ਇੱਕ-ਟੱਕ ਜੇਨ ਵੱਲ ਦੇਖਦੇ ਹੋਏ) ਤੈਨੂੰ ਪਤੈ ਬਿਊਫ਼ ਨਾਲ ਕੀ ਹੋਇਆ ? ਗੈਂਡਾ ਬਣ ਗਿਆ ਉਹ। |
| ਜੇਨ: | ਕੀ ਹੋਇਆ ਬਿਊਫ਼ ਨੂੰ ? |
| ਬੇਰੰਜਰ: | ਉਹ ਗੈਂਡਾ ਬਣ ਗਿਆ। |
| ਜੇਨ: | (ਜਾਕੇਟ ਦੇ ਕਾਲਰਾਂ ਨਾਲ ਹਵਾ ਝਲਦੇ ਹੋਏ) ਘਰਰ ... |
| ਬੇਰੰਜਰ: | ਛੱਡ ਪਰਾਂ ਹੁਣ, ਮਜ਼ਾਕ ਬੰਦ ਕਰ ਯਾਰ। |
| ਜੇਨ: | ਮੈਂ ਘਰਰ ਕਰ ਸਕਦਾਂ ... ਜੇ ਮੇਰਾ ਜੀ ਕਰੇ ਤਾਂ, ਨਹੀਂ ? ਪੂਰਾ ਹੱਕ ਹੈ ਮੇਰਾ, ਮੈਂ ਆਪਣੇ ਘਰ 'ਚ ਆਂ। |
| ਬੇਰੰਜਰ: | ਮੈਂ ਨਹੀਂ ਕਿਹਾ ਕਿ ਤੂੰ ਕਰ ਨਹੀਂ ਸਕਦਾ... |
| ਜੇਨ: | ਤੇ ਜੇ ਮੈਂ ਤੂੰ ਹੁੰਦਾ ਤਾਂ ਹਰਗਿਜ਼ ਨਾ ਕਰਦਾ । ਗਰਮੀ... ਗਰਮੀ ਲੱਗ ਰਹੀ ਏ ਮੈਨੂੰ ...ਗਰਮੀ ...ਘਰਰ....ਇਕ ਮਿੰਟ। ਮੈਂ ਜ਼ਰਾ ਠੰਡਾ ਹੋ ਕੇ ਆਉਂਦਾਂ। |
| (ਜੇਨ ਬਾਥਰੂਮ ਵੱਲ ਭੱਜਦਾ ਹੈ।) |
| ਬੇਰੰਜਰ: | ਬੁਖ਼ਾਰ ਲਗਦਾ... ਸਿਰ ਨੂੰ ਚੜ੍ਹ ਗਿਆ। |
| (ਜੇਨ ਬਾਥਰੂਮ 'ਚ ਹੈ, ਫਵਾਰੇ ਦੀ ਅਵਾਜ਼ ਦੇ ਨਾਲ-ਨਾਲ ਉਸਦੇ ਤੇਜ਼ ਸਾਹਾਂ ਤੇ ਘਰਰ-ਘਰਰ ਦੀ ਅਵਾਜ਼ ਆਉਂਦੀ ਰਹਿੰਦੀ ਹੈ।) |
| ਜੇਨ: | (ਬਾਹਰੋਂ) ਘਰਰ..। |
| ਬੇਰੰਜਰ: | ਲਗਦੇ ਕੰਬਣੀ ਛਿੜੀ ਹੈ...। ਹੁਣ ਮੌਕਾ ਏ... ਮੇਰੇ ਕੋਲ ... ਡਾਕਟਰ ਨੂੰ ਫੋਨ ਕਰਦਾਂ। |
| (ਉਹ ਫੋਨ ਕੋਲ ਪਹੁੰਚਦਾ ਹੈ ਤੇ ਜੇਨ ਦੀ ਆਵਾਜ਼ ਸੁਣ ਕੇ ਇਕਦਮ ਪਿੱਛੇ ਹੋ ਜਾਂਦਾ ਹੈ। |
| ਜੇਨ: | (ਬਾਹਰੋਂ) ਤਾਂ ਉਹ ਬੁੱਢੜ ਬਿਊਫ਼ ਗੈਂਡਾ ਬਣ ਗਿਆ... ਹੈਂ... ਸੱਚ ? |
75
