ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
| ਬੇਰੰਜਰ: | ਏਹਦੇ ਬਾਰੇ ਤਾਂ ਮੈਂ ਕਦੇ ਇਹ ਸੋਚਿਆ ਵੀ ਨਹੀਂ ਸੀ, ਕਦੇ ਵੀ ਨਹੀਂ। |
| (ਉਹ ਬਾਹਰਲਾ ਦਰਵਾਜ਼ਾ ਖੋਲ੍ਹਦਾ ਹੈ ਤੇ ਸਾਹਮਣੇ ਵਾਲੇ ਦਰਵਾਜ਼ੇ 'ਤੇ ਜ਼ੋਰ-ਜ਼ੋਰ ਦੀ ਖੜਾਕ ਕਰਦਾ ਹੈ।) |
| ਬੇਰੰਜਰ: | ਬਿਲਡਿੰਗ 'ਚ ਗੈਂਡਾ ਹੈ। ਪੁਲਿਸ ਨੂੰ ਫੋਨ ਕਰੋ। |
| ਬੁੱਢਾ: | (ਦਰਵਾਜ਼ਾ ਖੋਲ੍ਹਦਾ ਹੈ) ਕੀ ਹੋ ਗਿਆ? |
| ਬੇਰੰਜਰ: | ਪੁਲਿਸ ਬੁਲਾਓ। ਘਰ ਦੇ ਅੰਦਰ ਗੈਂਡਾ ਹੈ। |
| ਬੁੱਢੇ ਦੀ ਔਰਤ: | ਕੀ ਕਰ ਰਿਹੈਂ ਤੂੰ ਜੇਨ ? ਏਨਾ ਖੜਕਾ ਕਿਉਂ ਕਰ ਰਿਹੈਂ ? |
| ਬੁੱਢਾ: | (ਪਤਨੀ ਨੂੰ) ਪਤਾ ਨਹੀਂ ਕੀ ਕਹਿ ਰਿਹਾ ਏ.., ਕੋਈ ਗੈਂਡਾ ਦੇਖਿਆ ਇਸਨੇ। |
| ਬੇਰੰਜਰ: | ਹਾਂ, ਇਸੇ ਘਰ 'ਚ। ਪੁਲਿਸ ਬੁਲਾਓ ਛੇਤੀ। |
| ਬੁੱਢਾ: | ਇਹ ਕੀ ਤਰੀਕਾ ਹੈ, ਕੀ ਚਾਹੁੰਦੇ ਹੋ ਤੁਸੀਂ, ਪਰੇਸ਼ਾਨ ਕਰ ਰਹੇ ਹੋ ਲੋਕਾਂ ਨੂੰ ਫਾਲਤੂ! (ਠਾਹ ਕਰਦਾ ਦਰਵਾਜ਼ਾ ਬੰਦ ਹੁੰਦਾ ਹੈ।) |
| ਬੇਰੰਜਰ: | (ਪੌੜੀਆਂ ਉੱਤਰਦਾ ਹੈ) ਚੌਂਕੀਦਾਰ... ਚੌਂਕੀਦਾਰ, ਬਿਲਡਿੰਗ 'ਚ ਗੈਂਡਾ, ਪੁਲਿਸ ਬੁਲਾਓ... ਪੁਲੀਸ ! |
| (ਚੌਂਕੀਦਾਰ ਦੇ ਕੁਆਰਟਰ ਦੀ ਛੱਤ ਚੋਂ ਇੱਕ ਗੈਂਡੇ ਦਾ ਸਿਰ ਨਿਕਲਦਾ ਹੈ।) |
| ਬੇਰੰਜਰ: | ਇੱਕ ਹੋਰ ! |
| (ਉਹ ਵਾਪਿਸ ਜੈਨ ਦੇ ਘਰ ਵੱਲ ਨੂੰ ਭੱਜਦਾ ਹੈ, ਕੁਝ ਸੋਚ ਕੇ ਰੁੱਕ ਜਾਂਦਾ ਹੈ, ਤੇ ਫੇਰ ਉਸ ਬੁੱਢੇ ਦਾ ਦਰਵਾਜ਼ਾ ਖੜਕਾਉਂਦਾ ਹੈ। ਇਸ ਵਾਰ ਦਰਵਾਜ਼ਾ ਖੁੱਲ੍ਹਦਾ ਹੈ ਤਾਂ ਅੰਦਰੋਂ ਦੇ ਗੈਂਡਿਆਂ ਦੇ ਸਿਰ ਨਿਕਲਦੇ ਹਨ।) |
| ਬੇਰੰਜਰ: | ਓਹ ! ਗਾਡ ! |
| (ਘਬਰਾਇਆ ਫੇਰ ਜੇਨ ਦੇ ਘਰ 'ਚ ਜਾ ਵੜਦਾ ਹੈ, ਬਾਥਰੂਮ ਦਾ ਦਰਵਾਜ਼ਾ ਹਾਲੇ ਵੀ ਅੰਦਰੋਂ ਖੜਕ ਰਿਹਾ ਹੈ। ਉਹ ਖਿੜਕੀ ਵੱਲ ਨੂੰ ਜਾਂਦਾ ਹੈ, ਜੋ ਕਿ ਸਿਰਫ ਇੱਕ ਫਰੇਮ ਹੈ, ਜਿਹੜਾ ਦਰਸ਼ਕਾਂ ਵਾਲੇ ਪਾਸੇ ਹੈ। ਉਹ ਬੁਰੀ ਤਰ੍ਹਾਂ ਥੱਕਿਆ ਹੈ, ਹੰਭ ਚੁੱਕਾ ਹੈ।) |
| ਬੇਰੰਜਰ: | ਹੋਅ... ਪ੍ਰਭੂ... ਹੇ... ਪਰਮਾਤਮਾ... |
| (ਬਹੁਤ ਕੋਸ਼ਿਸ਼ ਤੋਂ ਬਾਅਦ ਉਹ ਕਿਸੇ ਤਰ੍ਹਾਂ ਖਿੜਕੀ 'ਚੋਂ ਨਿਕਲਣ 'ਚ ਕਾਮਯਾਬ ਹੁੰਦਾ ਹੈ, ਪਰ ਫੇਰ ਫੁਰਤੀ ਨਾਲ ਮੁੜ ਅੰਦਰ ਜਾ ਵੜਦਾ ਹੈ, ਕਿਉਂਕਿ ਜਦੋਂ ਉਹ ਆਰਕੇਸਟਰਾ-ਪਿਟ ਕੋਲ ਪਹੁੰਚਦਾ ਹੈ, ਇੱਕਦਮ ਸਾਹਮਣਿਓਂ ਗੈਂਡਿਆਂ ਦੇ ਸਿਰਾਂ ਦੀ ਇੱਕ ਪੂਰੀ ਧਾੜ ਲੰਘਦੀ ਦਿਖਾਈ ਪੈਂਦੀ ਹੈ, ਜਿਹੜੇ ਪੂਰੀ ਸਪੀਡ 'ਤੇ ਭੱਜੇ ਜਾ ਰਹੇ |
81
