ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਗਿਆਨ ਸਿੰਘ-ਹੱਛਾ! ਆਪਣੇ ਘਰ ਦੀਆਂ ਕਿਆਰੀਆਂ ਤਾਂ ਜਾਣਦਾ ਹੈ ਕਿ ਨਹੀਂ?
ਕਾਕਾ-ਆਹੋ, ਜਾਣਦਾ ਹਾਂ। ਉਨ੍ਹਾਂ ਵਿੱਚੋਂ ਤਾਂ ਰੋਜ ਪੂਦਨਾ, ਸਾਗ ਅਤੇ ਫੁਲ ਤੋੜ ਕੇ ਲਿਆਉਂਦਾ ਹੁੰਦਾ ਹਾਂ।
ਗਿਆਨ ਸਿੰਘ-ਬਸ ਇਹੋ ਜਿਹੀਆਂ ਵੱਡੀਆਂ ਵੱਡੀਆਂ ਕਿਆਰੀਆਂ ਦਾ ਨਾਉਂ ਖੇਤ ਹੈ।
ਕਾਕਾ-ਤਾਂ ਉਥੇ ਕਣਕ ਕਿਵੇਂ ਪੈਦਾ ਹੁੰਦੀ ਹੈ?
ਗਿਆਨ ਸਿੰਘ-ਜਿਸ ਤਰ੍ਹਾਂ ਅਸੀਂ ਧਨੀਆਂ, ਸਰ੍ਹੋਂ, ਮੂਲੀਆਂ ਅਤੇ ਫੁਲ ਬੀਜਦੇ ਹਾਂ, ਇਸੇ ਤਰ੍ਹਾਂ ਕਣਕ ਭੀ ਬੀਜੀ ਜਾਂਦੀ ਹੈ।
ਕਾਕਾ-ਹੱਛਾ ਬੀਜਣ ਨਾਲ ਕੀ ਹੁੰਦਾ ਹੈ?
ਗਿਆਨ ਸਿੰਘ-ਇਕ ਦਾਣੇ ਦੇ ਅਨੇਕ ਦਾਣੇ ਹੋ ਜਾਂਦੇ ਹਨ।
ਕਾਕਾ-ਧਨੀਆਂ ਤੇ ਸਾਗ ਤਾਂ ਹਰੇ ਹਰੇ ਹੁੰਦੇ ਹਨ; ਕਣਕ ਤੇ ਹਰੀ ਨਹੀਂ ਹੁੰਦੀ।
ਗਿਆਨ ਸਿੰਘ-ਜਦ ਕਣਕ ਨਵੀਂ ਨਵੀਂ ਉਗਦੀ ਹੈ ਤਾਂ ਉਹ ਭੀ ਹਰੀ ਹਰੀ ਹੁੰਦੀ ਹੈ।
੨੯