ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਫ਼ੀਲਡ ਮਾਰਸ਼ਲ
ਸ੍ਰੀ ਸੁਭਾਸ਼ ਚੰਦਰ ਬੋਸ
ਜਦੋਂ ਆਨ ਕੇ ਦੁਖਾਂ ਦੇ ਚੜ੍ਹੇ ਬੱਦਲ,
ਖੂੰਨੀ ਝਖੜ ਦੇਸ਼ ਤੇ ਝਲ ਰਹੇ ਸਨ।
ਫੈਲ ਰਿਹਾ ਹਨੇਰ ਚਫੇਰ ਡਾਢਾ,
ਲੀਡਰ ਹਿੰਦੀਆਂ ਦੇ ਹੋ ਗੁੱਲ ਰਹੇ ਸਨ।
ਭਾਰਤ ਵਰਸ਼ ਤੇ ਲਾਲ ਜਵਾਹਰ ਬਾਂਕੇ,
ਭਾ ਕੌਡੀਆਂ ਦੇ ਜਦੋਂ ਤੁੱਲ ਰਹੇ ਸਨ।
ਹਿੰਦੀ ਖਾਕ ਹੋ ਕੇ ਖਾਕ ਰੁਲ ਰਹੇ ਸਨ,
ਗੋਰੇ ਦੇਸ਼ ਅੰਦਰ ਫੁੱਲ ਫੁਲ ਰਹੇ ਸਨ।
ਇਕ ਦੇਸ਼ ਦੀ ਆਨ ਬਚਾਨ ਖਾਤਰ,
ਬੋਸ ਗੀਤ ਅਜ਼ਾਦੀ ਦਾ ਗਾਣ ਵਾਲਾ।
ਜੜ੍ਹ ਜੁਲਮ ਦੀ ਖੋਖਲਾ ਕਰਨ ਦੇ ਲਈ,
ਅੱਗੇ ਵਧੋ ਦਾ ਨਾਹਰਾ ਲਗਾਣ ਵਾਲਾ।
ਕਾਂਗਰਸ ਵਿਚ ਕਾਂਗ ਦਾ ਜੋਰ ਚੜ੍ਹਿਆ,
ਕਿਵੇਂ ਬਚਾਂ ਇਹ ਸੋਚ ਦੁੜ੍ਹਾਈ ਡਾਢੀ।
ਫਾਰਵਡ ਬਲਾਕ ਨੂੰ ਕੈਮ ਕਰਕੇ,
ਜਾ ਬੰਗਾਲ ਸਮਾਧੀ ਲਗਾਈ ਡਾਢੀ।
ਸੁਣਿਆਂ ਧਾਰ ਕੇ ਭੇਸ ਬਹੁ ਰੁਪੀਆਂ ਦਾ,
ਪਹੁੰਚ *ਟੋਕੀਓ ਦਸੀ ਸਫਾਈ ਡਾਢੀ
ਫੌਜ ਹਿੰਦ ਅਜ਼ਾਦ ਦੇ ਅਫਸਰਾਂ ਨੂੰ,
ਜੈ ਹਿੰਦ ਦੀ ਪਟੀ ਪੜਾਈ ਡਾਢੀ।
- ਜਾਪਾਨ ਦੀ ਰਾਜਧਾਨੀ।
-੧੦੮-
