ਪੰਨਾ:ਤਲਵਾਰ ਦੀ ਨੋਕ ਤੇ.pdf/25

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਹੁੰਦਾ ਜ਼ੁਲਮ ਮਸੂਮ ਦੀ ਜਾਨ ਉਤੇ,
ਅੱਖੀਂ ਵੇਖ ਰਹੇ ਨੇ ਮਾਣ-ਤਾਨ ਵਾਲੇ ।
ਤੈਥੋਂ ਬਿਨਾਂ ਹੁਣ ਆਸਰਾ ਰਿਹਾ ਕੋਈ ਨਹੀਂ,
ਛੇਤੀ ਬਹੁੜ ਆ ਬੰਸੀ ਬਜਾਣ ਵਾਲੇ।

ਪੁੱਜ ਪਈ ਭਗਵਾਨ ਦੇ ਕੋਲ ਜਾ ਕੇ,
ਮਥਰਾ ਵਿਚ ਜਾ ਤਾਰ ਦਰੋਪਤੀ ਦੀ ।
ਅਰਬ, ਖਰਬ ਇਹ ਆਖਦੇ ਆਏ ਹਰਿ ਜੀ,
ਮਦਦ ਕਰਨ ਦੀ ਧਾਰ ਦਰੋਪਤੀ ਦੀ ।
ਜ਼ਾਲਮ ਸਤੀ ਦੇ ਸਤ ਨੇ ਜਿੱਤ ਲੀਤੇ,
ਹੋਈ ਮੁਲ ਨਾ ਹਾਰ ਦਰੋਪਤੀ ਦੀ ।
ਲੱਗ ਗਏ ਅੰਬਾਰ ਨੇ ਲੀੜਿਆਂ ਦੇ,
ਲੀਤੀ 'ਸ਼ਾਮ' ਨੇ ਸਾਰ ਦਰੋਪਤੀ ਦੀ।

ਆ ਕੇ ਸਾਹਮਣੇ ਸ੍ਰੀ ਜਗਦੀਸ਼ ਜੀ ਨੇ,
ਦਰਸ਼ਨ ਦੇ ਕੇ ਸਤੀ ਨਿਹਾਲ ਕੀਤੀ ।
ਪਾਪ ਕਰਨ ਤੋਂ ਰੋਕਿਆ ਪਪੀਆਂ ਨੂੰ,
ਬੰਸੀ ਵਾਲੇ ਨੇ 'ਵੀਰ' ਕਮਾਲ ਕੀਤੀ ।

੨੧.