ਪੰਨਾ:ਤਲਵਾਰ ਦੀ ਨੋਕ ਤੇ.pdf/26

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਸ੍ਰੀ ਚੰਦਰ ਜੀ


ਅੱਖਾਂ ਵਿਚ ਤੇਰੀ ਮੂਰਤ ਵਸਦੀ ਏ,

ਵਸੇ ਦਿਲ ਦੇ ਵਿਚ ਪਿਆਰ ਤੇਰਾ।

ਇਕ ਇਕ ਪਲ, ਹੈ ਟੁੰਬਦੀ ਯਾਦ ਤੇਰੀ,

ਰਸਨਾ ਨਾਮ ਜਪਦੀ ਸੌ ਸੌ ਵਾਰ ਤੇਰਾ।

ਅਠੇ ਪਹਿਰ ਤਰਸਾਂ ਤੇਰੇ ਦਰਸ਼ਨਾਂ ਨੂੰ,

ਹੋਵੇ ਕਿਸ ਤਰਾਂ ਨਾਲ ਦੀਦਾਰ ਤੇਰਾ।

ਠੇਡੇ ਠੋਕਰਾਂ ਖਾਂਦਿਆਂ ਜਗ ਅੰਦਰ,

ਓੜਕ ਮਲਿਆ ਆਨ ਦੁਆਰ ਤੇਰਾ।


ਐਸਾ ਕੀਤਾ ਉਦਾਸ ਉਦਾਸੀਆਂ ਨੂੰ,

ਬਾਬਾ, ਲਭਦੇ ਫਿਰਨ ਲਕੀਰ ਤੇਰੀ।

ਹਰ ਇਕ ਘਰ ਅੰਦਰ ਤੇਰੀ ਜੋਤ ਜਗਦੀ,

ਹਰ ਇਕ ਦਿਲ ਹੈ ਪ੍ਰਭੂ ਤਸਵੀਰ ਤੇਰੀ।


ਚੁਟਕੀ ਆਪ ਦੀ ਧੂਣੀ ਚੋਂ ਲਈ ਜਿਸ ਨੇ,

ਆਵੇ ਤਪਦਾ ਭੀ ਐਪਰ ਠਰ ਗਿਆ ਉਹ।

ਨੂਰੀ ਚਰਨ ਤੇਰੇ ਜਿਸ ਨੇ ਚੁੰਮ ਲੀਤੇ,

ਨਾਮ ਆਪਣਾ ਭੀ ਰੌਸ਼ਨ ਕਰ ਗਿਆ ਉਹ।

ਜਿਹੜਾ ਕਦੇ ਨਹੀਂ ਸੀ ਕੰਮ ਸਰਨ ਵਾਲਾ,

ਤੇਰਾ ਨਾਮ ਲਿਆ ਬਾਬਾ ਸਰ ਗਿਆ ਉਹ।


-੨੨-