ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਤੇਰੇ ਨਾਮ ਦਾ ਜੀਹਨੇ ਨਾ ਜਾਪ ਕੀਤਾ,
ਗੋਤੇ ਖਾਂਵਦਾ ਖਾਂਵਦਾ ਮਰ ਗਿਆ ਉਹ।
ਤੇਰੀ ਸੂਰਤ ਦੀ ਝਲਣੀ ਝਾਲ ਔਖੀ,
ਐਸੀ ਸੂਰਤ ਸੀ ਬੇਨਜ਼ੀਰ ਤੇਰੀ।
ਲਖਾਂ ਜਗ ਵਿਚ ਕੀਤੇ ਉਪਕਾਰ ਬਾਬਾ,
ਵਸੇ ਦਿਲ ਵਿਚ ਤਾਹੀਓਂ ਤਸਵੀਰ ਤੇਰੀ।
ਸ੍ਰੀ ਚੰਦ ਬਾਬਾ ਉਹ ਜਗਦੀਸ਼ ਮਾਹੀਆ,
ਮੇਰੇ ਲੂੰ ਲੂੰ ਵਿਚ ਸਮਾ ਰਿਹੈਂ ਤੂੰ।
ਮੇਰੇ ਦਿਲ ਦਰਿਆ ਦੇ ਵਹਿਣ ਬਣ ਕੇ,
ਪਿਆਰੇ ਮਨ ਦੀ ਮੌਜ ਮਨਾ ਰਿਹੈਂ ਤੂੰ।
ਮੇਰੇ ਸੁਆਸਾਂ ਚੋਂ ਸੁਰਾਂ ਸਦੀਵ ਨਿਕਲਣ,
ਮੇਰੇ ਖੂੰਨ ਦੀ ਤਾਰ ਟਣਕਾ ਰਿਹੈਂ ਤੂੰ।
ਝੂੰਮ ਝੂੰਮ ਕੇ ਝੂੰਮਦਾ ਰਹਾਂ ਹਰਦਮ,
ਐਸਾ ਰਾਗ ਪ੍ਰੀਤ ਦਾ ਗਾ ਰਿਹੈਂ ਤੂੰ।
ਢੂੰਢ ਢੂੰਢ ਜੰਗਲ ਬੇਲੇ ਗਾਹ ਮਾਰੇ,
ਮਿਲੀ ਦਰਸ ਦੀ ਨਾ ਅਕਸੀਰ ਤੇਰੀ।
ਲਖਾਂ ਜ਼ਿਮੀਂ ਅਸਮਾਨ ਮੈਂ ਫੋਲ ਬੈਠਾ,
ਲਭੀ ਜਿਗਰ ਤੋਂ 'ਵੀਰ' ਤਸਵੀਰ ਤੇਰੀ।
-੨੩-