ਪੰਨਾ:ਤਲਵਾਰ ਦੀ ਨੋਕ ਤੇ.pdf/36

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਤੈਨੂੰ ਭੁਲ ਗਿਆ ਆਪਣਾ ਬਾਟਾ ਏ।
ਤਾਹੀਓਂ ਆਟਿਓਂ ਪੈ ਗਿਆਂ ਘਾਟਾ ਏ।
ਕੋਈ ਰਜ ਕੇ ਪੇਟ ਨਾ ਭਰਦਾ ਏ,
ਹੁਣ ਦੇਖੋ ਰੱਬ ਕੀ ਕਰਦਾ ਏ ।

ਹੈ ਸ਼ਾਂਤਮਈ ਕਾਮਲ ਗ+ਯਾਨ ਤੇਰਾ,
ਹੈ ਗਾਂਧੀ ਗੁਰੂ ਨਿਗਾਹਬਾਨ ਤੇਰਾ ।
ਜੇ ਟੁੱਟ ਗਿਆ ਹੁੰਦੀਆ ਤਾਨ ਤੇਰਾ,
ਤੇ ਰੁੜ੍ਹ ਜਾਊ ਸ਼ਹੁ ਈਮਾਨ ਤੇਰਾ।
ਉਠ ਲੱਕ ਬੰਨ੍ਹ ਕਿਉਂ ਤੂੰ ਡਰਦਾ ਏ,
ਫਿਰ ਦੇਖ ਤੂੰ ਰੱਬ ਕੀ ਕਰਦਾ ਏ।

ਸਿਫਤੀ ਹੋਈ ਹਿੰਮਤ ਤੇਰੀ ਏ,
ਖੰਡੀ ਹੋਈ ਤਾਕਤ ਤੇਰੀ ਏ।
ਦੁਨੀਆਂ ਦੀ ਦੌਲਤ ਤੇਰੀ ਏ ;
ਸਭ ਜਗ ਤੇ ਹਕੂਮਤ ਤੇਰੀ ਏ।
ਜੋ ਦੁਖੜੇ ਸਿਰ ਤੇ ਜਰਦਾ ਏ ।
ਉਹ ਕਦੀ ਨਾ ਜਿਤ ਕੇ ਹਰਦਾ ਏ ।

ਇਤਫਾਕ ਦੀ ਸ਼ਕਤੀ ਲਿਆ ਦੇ ਹੁਣ ।
ਹਿੰਦ-ਤਹਿਜ਼ੀਬ ਸਿਖਾ ਦੇ ਹੁਣ।
ਓ ਇਨਕਲਾਬ ਲਿਆ ਦੇ ਹੁਣ ।
'ਵੀਰਾਂ' ਦੇ ਜੌਹਰ ਦਿਖਾ ਦੇ ਹੁਣ।
ਜੋ ਅਨਤਾਰੂ ਤਾਰੀ ਤਰਦਾ ਏ।
ਉਹ ਮੰਝਧਾਰ ਡੁੱਬ ਮਰਦਾ ਏ।

-੩੨-