ਪੰਨਾ:ਤਲਵਾਰ ਦੀ ਨੋਕ ਤੇ.pdf/38

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਸੱਚ ਕਹਾਂ ਸਾਰਾ ਭਾਰਤ ਉਜੜ ਜਾਂਦਾ,
ਜੇਕਰ ਇਕ ਨਾ ਹੋਵਦੀ ਜਾਨ ਤੇਰੀ ।
ਇਸ ਹਿੰਦ ਹਨੇਰੜੀ ਰਾਤ ਅੰਦਰ,
ਚੰਨਾ ਚਮਕਦੀ ਨਾ ਜੇਕਰ ਸ਼ਾਨ ਤੇਰੀ ।

ਤੇਰਾ ਨਾਮ ਸੁਣਕੇ ਬੀਰ ਡਹਿਲ ਜਾਂਦੇ,
ਹਿਰਦੇ ਕੰਬਦੇ ਸਨ ਦੁੱਰਾਨੀਆਂ ਦੇ।
ਮੈਨੂੰ ਯਾਦ ਹੈ ਕਿਸਤਰ੍ਹਾਂ ਕੋਹੇ ਜ਼ਾਲਮ,
ਡਾਕੂ ਦੁਸ਼ਟ ਪਠਾਣ ਪਠਾਣੀਆਂ ਦੇ।
ਇਹ ਤਾਂ ਕਲ੍ਹ ਦੀ ਗੱਲ ਜਦ ਮੋੜ ਆਏ,
ਦੂਰ ਗਏ ਡੋਲੇ ਹਿੰਦਵਾਨੀਆਂ ਦੇ।
ਆਕੜ ਖਾਨਾਂ ਦੀ ਧੌਣ ਮਰੋੜ ਦਿਤੀ,
ਬੂਥੇ ਭੰਨੇ ਤੂੰ ਮਿਸਲ ਈਰਾਨੀਆਂ ਦੇ।
ਇਟ ਇਟ ਪੰਜਾਬ ਦੀ ਵੀਰ ਬਾਂਕੇ,
ਕਰੇ ਬੀਰਤਾ ਪਈ ਬਿਆਨ ਤੇਰੀ ।
ਤਾਹੀਓਂ ਕੁਲ ਜਹਾਨ ਦੇ ਵਿਚ ਰੌਸ਼ਨ
ਚੰਨ ਵਾਂਗ ਏ ਚਮਕਦੀ ਸ਼ਾਨ ਤੇਰੀ ।

-੩੪-