ਪੰਨਾ:ਤਲਵਾਰ ਦੀ ਨੋਕ ਤੇ.pdf/43

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਜੋ ਪੁਰਸ਼ ਇਸ ਜੀਵਨ ਬੂਟੀ ਤੋਂ,
ਵਾਂਝਾ ਰਹਿ ਜਾਏਗਾ।
ਓਹ 'ਵੀਰ' ਤਾਜ ਚੋਂ ਡਿਗਕੇ ਤੇ,
ਚੀਣਾ ਚੀਣਾ ਹੋ ਜਾਏਗਾ।

ਨਿਰਾਲੀ ਦੁਨੀਆ ਦੀ ਤਸਵੀਰ

ਦੇਸ਼ ਵਾਸੀਆਂ ਦੀ ਮੈਂ ਤਸਵੀਰ ਦਸਾਂ,
ਲੜਦੇ ਝਗੜਦੇ ਅਸੀਂ ਮਲੰਗ ਬਣ ਗਏ।
ਖੁਨ ਚੂਸ ਲਏ ਟੋਡੀਆਂ ਜੋਕ ਬਣਕੇ
ਡਾਂਗਾਂ ਝਲੀਆਂ ਰੰਗ ਬਦਰੰਗ ਬਣ ਗਏ ।
ਗੁੰਡੀ ਰੰਨ ਪਖੰਡ ਦਾ ਮੁਲ ਪੈਂਦਾ,
ਧਰਮੀ ਖਾਣ ਧੱਕੇ ਆਗੂ ਨੰਗ ਬਣ ਗਏ।
ਸਾਡੇ ਦੁਖੜੇ ਦੇਸ਼ ਦੇ ਸੁਣੇ ਕੋਈ ਨਾ।
ਲੋਕੀ ਨਿਗਾਹ ਵਾਲੇ ਦੇਖ ਦੰਗ ਬਣ ਗਏ ।
ਨਿੰਦਕ ਚੁਗਲ ਖੜਪੈਂਚ 'ਤੇ ਕੌਮ ਘਾਤੀ,
ਬਿਨਾਂ ਸਦਿਆਂ ਤੋਂ ਨੰਬਰਦਾਰ ਹੁੰਦੇ ।
'ਵੀਰ' ਭੋਲਿਆ ਕ੍ਰਿਤੀਆ ਸਮਝਿਓਂ ਨਾ,
ਤੇਰੇ ਵਾਸਤੇ ਰੋਜ਼ ਪ੍ਰਚਾਰ ਹੁੰਦੇ !

ਦੁਨੀਆਂ ਭੁੱਖ ਨੇ ਕੀਤੀ ਲਾਚਾਰ ਡਾਢੀ,
ਚੋਰੀ ਖੂਨ ਡਾਕੇ ਅੱਠੇ ਪਹਿਰ ਹੁੰਦੇ ।
ਫਾਂਸੀ ਚੜ੍ਹੇ ਕਈ ਵਤਨ ਦੀ ਸ਼ਾਨ ਬਦਲੇ,
ਜਗ੍ਹਾ ਜਗ੍ਹਾ ਤੇ ਜ਼ੁਲਮ ਦੇ ਫਾਇਰ ਹੁੰਦੇ ।

-੩੯-