ਪੰਨਾ:ਤਲਵਾਰ ਦੀ ਨੋਕ ਤੇ.pdf/53

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਚੌਧਰ ਪੁਣੇ ਦਾ ਹਰ ਤਰਫ,
ਹੁਣ ਮਚ ਗਿਆ ਏ ਸ਼ੋਰ ਫਿਰ ।
ਮੈਂਬਰੀ ਕਿਧਰੇ ਮੈਨੇਜਰੀ
ਕਿਧਰੇ ਪਈ ਪ੍ਰਧਾਨਗੀ ।
ਆਹੂ ਦੇ ਆਹੂ ਲਾਂਹਵਦੀ,
ਹੁੰਦੀ ਪਈ ਹੈਰਾਨਗੀ ।
ਆ ਤੇ ਸਹੀ ਥੋੜ੍ਹਾ ਸਹੀ,
ਦੇਰੀ ਨਾ ਲਾ ਫੇਰਾ ਚ ਪਾ ।
ਹਾਏ ਗੁਲਾਮ ਹਿੰਦ ਨੂੰ,
ਹੁਣ 'ਵੀਰ' ਆ ਆਜ਼ਾਦ ਕਰਾ ।

ਅੱਜ ਕਲ ਦੀ ਹੋਲੀ

ਖੇਹ ਉੱਡਦੀ ਬੋਲੀਆਂ ਪੈਣ ਥਾਂ ਥਾਂ,
ਆਈਆਂ ਜੱਗ ਤੇ ਹੋਲੀਆਂ ਚੰਗੀਆਂ ਨੇ।
ਕਈਆਂ ਹੱਥ ਰੰਗੇ, ਕਈਆਂ ਪੈਰ ਰੰਗੇ,
ਕਈਆਂ ਕਈਆਂ ਨੇ ਬੂਥੀਆਂ ਰੰਗੀਆਂ ਨੇ।
ਰਫਲਾਂ ਵਾਂਗ ਪਿਚਕਾਰੀਆਂ ਚਲਦੀਆਂ ਨੇ,
ਬਿਲਜਮ ਮਾਰਨਾ ਜਿਵੇਂ ਫਰੰਗੀਆਂ ਨੇ।
ਆਣ ਵਸਿਆ ਸਾਰੇ ਸ਼ੈਤਾਨ ਆ ਕੇ,
ਸ਼ਰਮਾਂ ਕਿੱਲੀਆਂ ਦੇ ਨਾਲ ਟੰਗੀਆਂ ਨੇ ।
ਭਰ ਭਰ ਮਾਰਨ, ਓਹ ਝੋਲੀਆਂ ਗੰਦ ਦੀਆਂ,
ਏਹ ਨਾ ਮੋਟੀਆਂ ਗੋਗੜਾਂ ਸੰਗੀਆਂ ਨੇ ।
ਢੋਲ ਵਜਦੇ ਭੰਗੜੇ ਪੈਣ ਥਾਂ ਥਾਂ,
ਦਿਸਣ ਸੂਰਤਾਂ ਰੰਗ ਬਰੰਗੀਆਂ ਨੇ ।

-੪੯-