ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਹੁਣ ਹੋਰ ਸਕੀਮਾਂ ਦਸ ਕੇ ਪਾਇਆ ਹੈ ਝੇੜਾ।
ਆਪੋ ਦੇ ਵਿਚ ਭਿੜਨ ਦਾ ਇਕ ਛੇੜਿਆ ਛੇੜਾ ।
ਵੀਰਾਂ ਦਾ ਪਏ ਵੀਰ ਤਕ ਲੌ ਡੋਬਣ ਬੇੜਾ ।
ਹੈ ਸੁੰਞਾਂ ਕਰ ਛਡਿਆ ਤੇਰਾ ਵਸਦਾ ਖੇੜਾ।
ਜੋਕਾਂ ਵਾਂਗਰ ਚੂਸਿਆ ਤੇਰਾ ਖੂਨ ਬਥੇਰਾ ।
ਨਲੂਏ ਵਾਂਗਰ ਗਰਜ ਪਉ ਹੁਣ ਦੂਲ੍ਹਿਆ ਸ਼ੇਰਾ ।
ਸ਼ੇਰਾ ਤੇਰੇ ਜੋਸ਼ ਨੇ ਹੱਥ ਦਸੇ ਕਰਾਰੇ।
ਆਕੜਖਾਨੀ ਸੁਰਮੇਂ ਤੂੰ ਚੁਣ ਚੁਣ ਮਾਰੇ ।
ਹੁਣ ਕਿਉਂ ਬੁਸਕੇਂ ਡੁਸਕਦਾ ਕਰ ਪਾਹਰ ਪਾਹਰੇ ।
ਅਜ ਵੀ ਅਖੀ ਵੇਖ ਲੈ ਤੇਰੇ ਚਮਕਣ ਤਾਰੇ ।
ਕਰ ਯਾਦ ਦਲੇਰ ਤੂੰ ਸ਼ਾਮ ਸਿੰਘ ਜੇਹੜਾ ਜੋਧਾ ਤੇਰਾ ।
ਓਏ ਹਰੀਆ ਹਊਆ ਦਸਦੇ ਉਠ ਦੂਲ੍ਹਿਆ ਸ਼ੇਰਾ ।
ਧੁੰਮਾਂ ਤੂੰਹੀਓਂ ਪਾਈਆਂ ਸੀ ਦੋਹਾਂ ਜਹਾਨਾਂ ।
ਅਟਕ ਜਿਹਾ ਅਟਕਾਵਣਾ ਏਹ ਤੇਰੀਆਂ ਸ਼ਾਨਾਂ ।
ਜਦੋਂ ਸਮੇਂ ਨੇ ਮੰਗੀਆਂ ਨੂੰ ਵਾਰੀਆਂ ਜਾਨਾਂ।
ਢਿਗੀ ਢਾਈ 'ਵੀਰ' ਤੇਰਿਆਂ ਨੌਜਵਾਨਾਂ।
ਆ ਜਾ ਸ਼ੇਰ ਪੰਜਾਬ ਦੇ ਇਕ ਲਾ ਦੇ ਫੇਰਾ ।
ਹੁਣ ਨਾ ਲੰਮੀਆਂ ਤਾਣ ਤੂੰ ਓਏ ਦੂਲ੍ਹਿਆ ਸ਼ੇਰਾ ।
-੫੪-
