ਪੰਨਾ:ਦਿਲ ਹੀ ਤਾਂ ਸੀ.pdf/85

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ







ਰਾਤ ਮੁਕਣ ਤੇ ਦਿਨ ਦੇ ਚੜ੍ਹਾ ਦੇ ਘੁਸਮੁਸੇ ਵਿਚ ਉਸ ਵੱਡੇ ਸਾਰੇ ਬੋਹੜ ਦੇ ਟਾਹਣੇ ਨਾਲ ਛਿਲ ਵਾਂਗ ਚਿਮੜੇ ਹੋਇਆਂ ਮੈਂ ਥੱਲੇ ਵਲ ਝਾਕਿਆ। ਪਾਣੀ ਅਗੇ ਨਾਲੋਂ ਉਚਾ ਹੋ ਗਿਆ ਸੀ, ਉਤਾਂਹ ਵਲ ਵੇਖਿਆ, ਬਾਰਸ਼ ਰੁਕਣ ਦਾ ਕੋਈ ਰੁਖ਼ ਨਹੀਂ ਸੀ।

ਦੋ ਦਿਨ ਤੇ ਦੋ ਰਾਤਾਂ ਏਸ ਬੋਹੜ ਨੇ ਮਾਰ ਖਾਧੀ ਏ ਪਾਣੀ ਦੀ, ਅਜ ਤੀਸਰਾ ਦਿਨ ਚੜ੍ਹ ਆਇਆ ਸੀ, ਏਸ ਦੀਆਂ ਵੀ ਜੜ੍ਹਾਂ ਖੋਖਲੀਆਂ ਹੋ ਗਈਆਂ ਸਨ। ਹਵਾ ਦਿਆਂ ਬੁਲਿਆਂ ਨਾਲ ਡੋਲਣ ਲੱਗ ਪਿਆ ਸੀ, ਆਖਰ ਢੈ ਪੈਣਾ ਹੈ ਏਸ ਵੀ ਕਈ ਮੀਲ ਪਾਣੀਆਂ ਵਿਚ, ਅਤੁਟ ਪਾਣੀਆਂ ਵਿਚ, ਕਿਸੇ ਖੂਨੀ ਦਰਿਆ ਦੇ ਪਾਣੀ ਨਾਲੋਂ ਭੀ ਵਧੇਰੇ ਤੇਜ਼ ਪਾਣੀਆਂ ਵਿਚ ਰੁੜਨ ਪਿਛੋਂ ਇਹ ਇਕ ਮਿਲਿਆ ਟਿਕਾਣਾ ਵੀ ਖੁਸਣ ਵਾਲਾ ਸੀ।

- ੧੦੩ -