ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਭਰੀ ਕਚਹਿਰੀ ਵਿੱਚ
ਤਿਰੇ ਨਾਲ ਝਗੜੂੰਗੀ ਭਰੀ ਕਚਹਿਰੀ ਵਿੱਚ
ਤਿਰੇ ਨਾਲ ਝਗੜੂੰਗੀ ਭਰੀ ਕਚਹਿਰੀ ਵਿੱਚ
ਤੂੰ ਰਹਿਨਾਂ ਏਂ ਰੋਜ਼ ਸ਼ਰਾਬੀ
ਮੇਰੀ ਟੁੱਟਈ ਪਈ ਰਕਾਬੀ
ਚਹੁੰ ਬੰਦਿਆਂ ਦੇ ਵਿੱਚ ਖੜ੍ਹਾ ਕੇ-
ਨਬਜ਼ਾਂ ਦੇਊਂ ਖਿੱਚ!
ਤਿਰੇ ਨਾਲ ਝਗੜੂੰਗੀ.......
ਤੂੰ ਛੱਡਦਾ ਏਂ ਟੌਰ੍ਹਾ ਜੱਟਾ-
ਮੇਰੇ ਸਿਰ ਤੇ ਨਹੀਂ ਦੁਪੱਟਾ
ਮੈਂ ਰੱਖੀ ਹੁਣ ਤੀਕ ਸਮਾਈ-
-ਪਰ ਤੂੰ ਜਾਣੇਂ ਟਿੱਚ!
ਤਿਰੇ ਨਾਲ ਝਗੜੂੰਗੀ........
ਤੂੰ ਨਿੱਤ ਬਹਿਕੇ ਲਾਵੇਂ ਤੜਕੇ
ਮੈਂ ਮਰ ਗਈ ਧੁੱਪਾਂ ਵਿਚ ਸੜਕੇ
ਆਪ ਰਹੇਂ ਤੂੰ ਬੰਮਲਾ ਬਣਿਆ-
-ਮੈਨੂੰ ਕਰਦੈ ਜ਼ਿੱਚ!
ਤਿਰੇ ਨਾਲ ਝਗੜੂੰਗੀ......
.
128/ਦੀਪਕ ਜੈਤੋਈ
