ਪੰਨਾ:ਦੀਵਾ ਬਲਦਾ ਰਿਹਾ.pdf/23

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਬਹੁਤ ਵਧ ਗਈ । ਉਸ ਦਾ ਚਿਹਰਾ ਲਾਲ ਹੋ ਗਿਆ । ਉਸ ਨੇ ਕੁਝ ਹੋਰ ਵਰਕੇ ਪਰਤੇ। ਉਸ ਦੀਆਂ ਅੱਖਾਂ ਲਾਲ ਹੋ ਗਈਆਂ । ਹੋਰ ਸਫੇ ਉਲਟਾਏ, ਉਸ ਦੇ ਡੌਲੇ ਫ਼ਰਕ ਉਠੇ । ਉਸ ਨੇ ਕਿਤਾਬ ਵਿਚਕਾਰੋਂ ਕਢ ਕੇ ਪੜਨੀ ਸ਼ੁਰੂ ਕੀਤੀ । ਉਸ ਦੀਆਂ ਅੱਖਾਂ ਵਿਚੋਂ ਜਿਵੇਂ ਅੰਗਾਰੇ ਨਿਕਲਣ ਲਗ ਪਏ।
ਉਸ ਨੇ ਕਾਹਲੀ ਕਾਹਲੀ ਦੁਕਾਨਦਾਰ ਕੋਲੋਂ ਪੁਛਿਆ, 'ਰਮੇਸ਼ ! ਇਹ ਕਿਤਾਬ ਕਦੋਂ ਦੀ ਮਾਰਕਿਟ ਵਿਚ ਆਈ ਹੈ ?'
'ਇਹ ਸਚ-ਮੁਚ ਬਹੁਤ ਹੀ ਚੰਗੀ ਕਿਤਾਬ ਹੈ । ਇਸ ਦਾ ਕਰਤਾ ਵੀ ਮੰਨਿਆਂ ਹੋਇਆ ਕਹਾਣੀ-ਕਾਰ ‘ਕੋਮਲ ਅੰਬਾਲਵੀ' ਹੈ। ਉਸ ਦੀਆਂ ਕਹਾਣੀਆਂ ਬਹੁਤ ਹੀ ਸਲਾਹੀਆਂ ਜਾਂਦੀਆਂ ਹਨ । ਮੈਨੂੰ ਪਹਿਲਾਂ ਹੀ ਪਤਾ ਸੀ, ਪਾਲ ! ਕਿ ਤੈਨੂੰ ਇਹ ਕਿਤਾਬ ਪਸੰਦ ਆਵੇਗੀ । ਕੋਈ ਕਹਾਣੀ ਪੜ੍ਹਨੀ ਸ਼ੁਰੂ ਕਰੋ, ਛਡਣ ਤੇ ਜੀ ਹੀ ਨਹੀਂ ਕਰਦਾ । ਐਹ ਵੇਖ .........' ਪਾਲ ਦੇ ਹਥੋਂ ਕਿਤਾਬ ਲੈ ਕੇ ਉਹ ਇਕ ਪੇਰਾ ਪੜ੍ਹ ਕੇ ਸੁਣਾਉਣ ਲਗਾ ।
'ਮੈਂ ਇਹ ਨਹੀਂ ਪੁਛ ਰਿਹਾ, ਰਮੇਸ਼ ! ਤੂੰ ਮੈਨੂੰ ਕਨਵੈੱਬ ਨਾ ਕਰ | ਮੈਂ ਪੁਛਦਾ ਹਾਂ ਕਿ ਇਹ ਕਿਤਾਬ ਕਦੋਂ ਦੀ ਮਾਰਕਿਟ ਵਿਚ ਆਈ ਹੈ ?
ਰਮੇਸ਼ ਨੇ ਪਾਲ ਦੇ ਮੁੰਹ ਵਲ ਵੇਖਿਆ ਤਾਂ ਉਸ ਦੀਆਂ ਲਾਲ ਅੱਖਾਂ ਵੇਖ ਕੇ ਉਸ ਨੇ ਉੱਤਰ ਦਿੱਤਾ, 'ਕੀ ਗੱਲ ਏ, ਪਾਲ ! ਕਿਤਾਬ ਵੇਖ ਕੇ ਘਬਰਾ ਗਿਆ ਏ ? ਤੂੰ ਵੀ ਤਾਂ ਕਹਾਣੀਆਂ ਲਿਖਦਾ ਹੁੰਦਾ ਏਂ ਪਰ ਤੈਨੂੰ ਇਸ ਮਸ਼ਹੂਰ ਕਿਤਾਬ ਦੇ ਛਪਣ ਦਾ ਵੀ ਪਤਾ ਨਹੀਂ ? ਇਹ ਕਿਤਾਬ ਤਾਂ ............ ਅਜ ਤੋਂ ਲਗਪਗ.....ਇਕ ਸਾਲ

 
ਦੀਵਾ ਬਲਦਾ ਰਿਹਾ
੨੩