♥ ਸੱਸੇ ਤੇਰਾ ਪੁੱਤ ਜੁਗਤੀ, ਦੰਦੀ ਵੱਢ ਕੇ ਦਾਗ ਨਾ ਪਾਵੇ
♥ ਸੱਸੇ ਤੇਰੀ ਮਹਿੰ ਮਰ ਜੇ- ਮੇਰੇ ਵੀਰ ਨੂੰ ਸੁੱਕੀ ਖੰਡ ਪਾਈ
♥ ਸੱਸੇ ਦੁੱਧ ਨੂੰ ਜਾਗ ਨਾ ਲਾਈਂ- ਉਡੀਕਾਂ ਵੀਰੇ ਦੀਆਂ
♥ ਸੱਸੇ ਦੇਖ ਜੁਆਨੀ ਮੇਰੀ, ਮੋੜ ਪੁੱਤ ਆਪਣੇ ਨੂੰ
♥ ਸੱਸੇ ਨੀ ਤੇਰੇ ਘਰ ਆਣ ਕੇ- ਮੈਂ ਟਸਰ ਦੀ ਕੁੜਤੀ ਨੂੰ ਤਰਸਾਂ
♥ ਸੱਸੇ ਨੀ ਦੁੱਧ ਨੂੰ ਜਾਗ ਨਾ ਲਾਈਂ- ਅੱਜ ਮੇਰੇ ਵੀਰ ਨੇ ਆਉਣਾ
♥ ਸੱਸੇ ਰੁੱਸੇ ਪੁੱਤ ਮਗਰ ਨੀ ਜਾਣਾ, ਇਕ ਪੁੱਤ ਹੋਰ ਜੰਮ ਲੈ
♥ ਸਹੁੰ ਗਊ ਦੀ ਧਰਮ ਨਾਲ ਜਾਣੀ, ਸੁਰਗ ਪੁਚਾ ਦਿਊਗੀ
♥ ਸਹੁਰਾ ਸਾਡਾ ਵਣਜ ਕਰੇ, ਟਿੱਡੀਆਂ ਦੀ ਹੇੜ੍ਹ ਲਿਆਇਆ
♥ ਸਹੁਰੇ ਕੈਦ ਕੱਟੀ- ਨਾ ਚੋਰੀ ਨਾ ਡਾਕਾ
♥ ਸਹੇੜ ਬਾਬਲਾ ਸੁੱਤੀ ਪਈ ਨੂੰ ਝੱਲ ਮਾਰੇ
♥ ਸੰਗ ਆਈ ਨਾ ਜਰਾ ਵੀ ਜੱਗ ਤੋਂ, ਡੋਲੀ ਵਿਚ ਬਹਿਗੀ ਹੁੱਬ ਕੇ
♥ ਸੰਗ ਬੱਦਲਾਂ ਦੇ ਉੱਡ ਜਾਵਾਂ- ਸੱਜਣਾ ਦੇ ਵਤਨਾਂ ਨੂੰ
♥ ਸੱਗੀ ਫੁੱਲ ਸਰਦਾਰੀ ਗਹਿਣੇ, ਟੇਡੇ ਚੀਰ ਕੰਜਰਾਂ ਦੇ
♥ ਸੱਗੀਆਂ ਨੀਲਾਮ ਹੋਗੀਆਂ, ਹੁਣ ਤੁਰ ਪਏ ਜਲੇਬੀ ਜੂੜੇ
♥ ਸੱਜੇ ਕੰਨ ਦਾ ਚਮਕਦਾ ਬਾਲਾ, ਮੇਰੇ ਭਾ ਦੀ ਅੱਗ ਮੱਚਦੀ
♥ ਸੱਜੇ ਪਾਸੇ ਦਾ ਬਿਸਤਰਾ ਖਾਲੀ, ਉਠ ਗਿਆ ਬਸਰੇ ਨੂੰ
♥ ਸਣ ਪਏ ਵਕੇਂਦੇ ਹੋ, ਏਡੇ ਤੁਸੀਂ ਸੁਹਣੇ ਨਹੀਂ, ਜਿੰਨਾਂ ਮਾਣ ਕਰੇਦੇ ਹੋ
♥ ਸਣੇ ਪਜਾਮੇ ਕੋਟ, ਜੇਠ ਨੂੰ ਅੱਗ ਲੱਗ ਜੇ
♥ ਸਤ ਸੂਤੇ ਤੇ ਜੋਬਨ ਨਚੋੜੇ, ਤੈਂ ਮੁਟਿਆਰਾਂ ਦੇ
♥ ਸੰਤਾਂ ਦੀ ਖੂਹੀ ਦਾ, ਸ਼ਰਬਤ ਵਰਗਾ ਪਾਣੀ
ਨਿੱਕੀਆਂ ਪੰਜਾਬੀ ਮੁਹੱਬਤੀ ਬੋਲੀਆਂ- 12
