♥ ਸੱਪ ਦੀ ਤੋਰ ਨਾ ਤੁਰੀਏ, ਨੀ ਜੋਗੀ ਲੋਕ ਫੜ ਲੈਣਗੇ
♥ ਸਪਾਹੀਆ ਦੇਖ ਲੈ ਵੇ, ਮੇਰੇ ਜੋਬਨ ਵਿਚ ਹੜ੍ਹ ਆਇਆ
♥ ਸਪਾਹੀਆ ਮੁੜ ਪੈ ਵੇ, ਰੱਖਾਂ ਪਟਾਰੀ ਵਿਚ ਪਾ ਕੇ
♥ ਸਬ ਪਏ ਵਿਚੋਲਿਆ ਤੈਨੂੰ, ਮੁੰਡਾ ਗੋਦੀ ਚਰ੍ਹੀ ਨੂੰ ਜਾਣਾ
♥ ਸਭ ਗੈਸ ਬੁਝਾ ਦਿਉ ਜੀ, ਮੇਰਾ ਕੁੜਮ ਬੈਟਰੀ ਵਰਗਾ
♥ ਸਰਮ੍ਹਾਂ ਫੁੱਲੀਆਂ ਤੋਂ ਕਦੇ ਜੱਟ ਦੇ ਖੇਤ ਨਾ ਜਾਈਏ
♥ ਸਰਵਣ ਵੀਰ ਬਿਨਾਂ- ਮੇਰੀ ਗਠੜੀ ਬਣਾਂ ਵਿਚ ਰੁਲਦੀ
♥ ਸੜਕਾਂ ਸਾਫ ਕਰੋ, ਮੇਰੇ ਯਾਰ ਨੇ ਛੁੱਟੀ ਆਉਣਾ
♥ ਸਾਗ ਤੋੜਦੀ ਮੁਰੱਬਿਆਂ ਵਾਲੀ, ਕਿਹੜਾ ਵੇ ਤੂੰ ਹਾਕਾਂ ਮਾਰਦਾ
♥ ਸਾਗ ਤੋੜਦੀ ਮੁਰੱਬਿਆਂ ਵਾਲੀ, ਕਿਹੜਾ ਵੇ ਤੂੰ ਲਾਟ ਦਾ ਮੁੰਡਾ
♥ ਸਾਡਾ ਮੁੰਡਾ ਕੰਮ ਸਿਖ ਜੂ, ਤੇਰੀ ਸੰਗ ਖੁਲ ਜੂ ਮੁਟਿਆਰੇ
♥ ਸਾਡੀ ਪੰਝੀਆਂ ਪਿੰਡਾਂ ਦੀ ਸਰਦਾਰੀ- ਵੀਰ ਮੇਰੇ ਲੈਣ ਮਾਮਲਾ
♥ ਸਾਡੇ ਅੱਥਰੂ ਛਲੇ ਕੇ ਵੇਖੀਂ, ਮੋਤੀਆਂ ਦੇ ਹਾਰ ਵਾਲੀਏ
♥ ਸਾਡੇ ਦਿਲ ਨੂੰ ਚਿਤਵਣੀ ਲਾ ਗਿਆ, ਦੇ ਗਿਆ ਰੁਮਾਲ ਕੱਢਣਾ
♥ ਸਾਡੇ ਨਿੱਤ ਨੀਂ ਪ੍ਰਹੁਣੇ ਆਉਣੇ, ਸੱਸੇ ਕਾਹਨੂੰ ਵੱਟ ਖਾਨੀ ਐਂ
♥ ਸਾਥੋਂ ਮੂੰਹ ਨਾ ਮੋੜ ਮੁਟਿਆਰੇ, ਰਾਹੇ ਰਾਹੇ ਜਾਣ ਵਾਲੀਏ
♥ ਸਾਧਾ ਤੇਰੀ ਵੇ ਕੁਟੀਆ ਨੂੰ ਆਈ, ਬਾਲਿਆਂ ਵਾਲੀ ਛੱਡ ਛੱਡ ਕੇ
♥ ਸਾਧੂ ਹੋ ਜਾਣਗੇ, ਸੋਹਣੀਆਂ ਰੰਨਾਂ ਦੇ ਮਾਰੇ
♥ ਸਾਨੂੰ ਸੱਜਣਾ ਵਾਂਝ ਹਨੇਰਾ- ਚੰਨ ਭਾਵੇਂ ਨਿੱਤ ਚੜ੍ਹਦਾ
♥ ਸਾਨੂੰ ਦੇ ਗਿਆ ਯੱਕੇ ਦਾ ਭਾੜਾ, ਚੜ੍ਹ ਗਿਆ ਚੀਨ ਦੀ ਗੱਡੀ
♥ ਸਾਨੂੰ ਨਣਦ ਵਸਣ ਨੀ ਦੇਂਦੀ, ਸੁਣ ਲਉ ਸ਼ਰੀਕਣੀਉਂ
ਨਿੱਕੀਆਂ ਪੰਜਾਬੀ ਮੁਹੱਬਤੀ ਬੋਲੀਆਂ- 13
