♥ ਸਾਨੂੰ ਬੱਤੀਆਂ ਕੋਹਾਂ ਤੋਂ ਅੱਖ ਮਾਰੀ, ਦਿਉਰ ਦੀਆਂ ਗੋਲ ਅੱਖੀਆਂ
♥ ਸਾਨੂੰ ਯਾਰ ਦਾ ਵਿਛੋੜਾ ਪਾਇਆ— ਮਰ ਜਾਏਂ ਰੇਲ ਗੱਡੀਏ
♥ ਸਾਨੂੰ ਰੀਝ ਲੌਂਗ ਦੀ ਆਵੇ- ਬਾਜਰੇ ਨੇ ਲਾਈਆਂ ਦੇਰੀਆਂ
♥ ਸਾਮਰਾਜ ਦਾ ਬਹਿ ਗਿਆ ਹਿਰਦਾ, ਅਵਾਜ ਉੱਠੀ ਜਨਤਾ ਦੀ
♥ ਸ਼ਾਮੀਂ ਘਟਾ ਚੜ੍ਹ ਆਈ, ਭਿੱਜ ਗਈ ਰੂਹ ਮਿੱਤਰਾ
♥ ਸ਼ਾਮੋਂ ਤੇਰਾ ਚੱਕਮਾਂ ਚੁੱਲ੍ਹਾ- ਕਿਸੇ ਯਾਰ ਨੂੰ ਡਾਹ ਕੇ ਮਾਰੂ
♥ ਸ਼ਾਮੋਂ ਨਿੱਕਲੀ ਸਰ੍ਹੋਂ ਦਾ ਫੁੱਲ ਬਣ ਕੇ, ਮੁੰਡਿਆਂ ਨੇ ਘੇਰ ਲਈ
♥ ਸਾਰਾ ਜੱਗ ਢੂੰਡ ਸੁਟਿਆ, ਮੇਰੇ ਯਾਰ ਵਰਗਾ ਨਾ ਕੋਈ
♥ ਸਾਰੀ ਗੱਡੀ ਮੋੜ ਬਾਬਲਾ- ਮੇਰੇ ਹਾਣ ਦਾ ਮੁੰਡਾ ਨਾ ਕੋਈ
♥ ਸਾਰੀ ਦੁਨੀਆਂ ਜਦੋਂ ਸੌਂ ਜਾਵੇ- ਰਹਿ ਜਾਵਾਂ ਤਾਰੇ ਗਿਣਦੀ
♥ ਸਾਰੀ ਰਾਤ ਦੀ ਮੇਰੇ ਵੀਰ ਕੋਲੋਂ ਆਈ, ਹੁਣ ਤੈਨੂੰ ਸੰਗ ਲੱਗਦੀ
♥ ਸਾਰੀ ਰਾਤ ਮੱਛਰ ਨੇ ਖਾ ਲਿਆ, ਪੈ ਗਿਆ ਪਿੱਠ ਕਰਕੇ
♥ ਸਾਰੇ ਪਿੰਡ ਦੇ ਸਰਾਧ ਬੰਦ ਕੀਤੇ, ਆਰੀਆ ਨੇ ਅੱਤ ਚੁੱਕ ਲਈ
♥ ਸਾਰੇ ਪਿੰਡ ਵਿਚ ਚਾਨਣ ਹੋਇਆ, ਮਾਂ ਦੀਏ ਮੋਮਬੱਤੀਏ
♥ ਸਿਆਮ ਤਾਂ ਮੇਰਾ ਫੁੱਲਾਂ ਦਾ ਸ਼ੌਂਕੀ, ਫੁੱਲਾਂ ਦੀ ਸ਼ੇਜ ਵਛਾਉਂਦੀ ਨੀ, ਸੁੱਤੀ
ਪਈ ਨੂੰ ਜਗ੍ਹਾ ਕੇ ਦੁੱਧ ਪਿਆਉਂਦਾ ਨੀ
♥ ਸਿੱਖਿਆ ਨਣਦਾਂ ਦੀ, ਕਿਉਂ ਗੁੱਤ ਨੂੰ ਮਰੋੜੇ ਚਾਹੜੇਂ
♥ ਸਿੰਘ ਜੀ ਲਿਆ ਮੱਝੀਆਂ, ਮੈਂ ਵੀ ਦੁਧ ਰਿੜਕਾਂ
♥ ਸਿਟ ਡੋਰੀਆ ਜਲੇਬ ਫੜਾਵਾਂ, ਉੱਚੇ ਨੀ ਚੁਬਾਰੇ ਵਾਲੀਏ
♥ ਸਿਪਾਹੀਆ ਸੌਂ ਜਾ ਵੇ, ਠੰਡੀ ਵਗਦੀ ਵਾ
♥ ਸਿਫਤਾਂ ਰਾਂਝੇ ਦੀਆਂ ਮੈਂ ਬੈਠ ਮਨ੍ਹੇ 'ਤੇ ਕਰਦੀ
ਨਿੱਕੀਆਂ ਪੰਜਾਬੀ ਮੁਹੱਬਤੀ ਬੋਲੀਆਂ- 14
