♥ ਛੜੇ ਕਰਦੇ ਮਸ਼ਕਰੀ ਪੂਰੀ, ਰੰਨਾਂ ਵਾਲੇ ਘੱਟ ਬੋਲਦੇ
♥ ਛੜੇ ਜਾਣਗੇ ਮੱਕੀ ਦੀ ਰਾਖੀ, ਰੰਨਾਂ ਵਾਲੇ ਘਰ ਪੈਣਗੇ
♥ ਛੜੇ ਜੁੱਤੀਆਂ ਖਾਣ ਦੇ ਮਾਰੇ, ਲੰਘਦੇ ਘੰਗੂਰਾ ਮਾਰ ਕੇ
♥ ਛੜੇ ਬਹਿ ਕੇ ਦਲੀਲਾਂ ਕਰਦੇ, ਕੌਣ ਕੌਣ ਹੋਈਆਂ ਰੰਡੀਆਂ
♥ ਛੜੇ ਬਹਿ ਕੇ ਦਲੀਲਾਂ ਕਰਦੇ, ਵਿਆਹ ਕਰਵਾਉਣ ਦੀਆਂ
♥ ਛਾਤੀ ਨਾਲ ਲਾ ਸਾਨੂੰ, ਜੇ ਤੂੰ ਸੁਰਗ ਦੇਖਣਾ
♥ ਛਿੱਕ ਮਗਜ ਪਾੜ ਆਈ, ਮਿੱਤਰਾਂ ਨੇ ਯਾਦ ਕਰੀ
♥ ਛਿੱਟਾ ਮਾਰਦੇ ਪਤਲੀਏ ਨਾਰੇ, ਨੀ ਮਿੱਤਰਾਂ ਦਾ ਦੁੱਧ ਉੱਬਲੇ
♥ ਛਿੰਦੋ ਦੰਦੀਆਂ ਦੇ ਦਾਗ ਦਖਾਵੇ, ਮੂਹਰੇ ਬੈਠੀ ਡਾਕਟਰ ਦੇ
♥ ਛੁੱਟੀ ਆਇਆ ਢਾਈ ਦਿਨ ਦੀ, ਚੱਕਵੇਂ ਬਿਸਤਰੇ ਵਾਲਾ
♥ ਛੁੱਟੀ ਲੈ ਕੇ ਆ ਜਾ ਮਿੱਤਰਾ- ਦੋ ਨਿੰਬੂ ਪੱਕੇ ਘਰ ਤੇਰੇ
♥ ਛੁੱਟੀ ਲੈ ਕੇ ਆ ਜਾ ਮਿੱਤਰਾ, ਛੋਟਾ ਦਿਉਰ ਬੜਾ ਤੰਗ ਕਰਦਾ
♥ ਛੁੱਟੀ ਲੈ ਕੇ ਆਜਾ ਮਿੱਤਰਾ, ਰਾਤਾਂ ਕਾਲੀਆਂ ਕੱਲੀ ਨੂੰ ਡਰ ਆਵੇ
♥ ਛੁਪ ਜਾ ਚੰਦ ਵੈਰੀਆ, ਅਸਾਂ ਯਾਰ ਦੇ ਉਲਾਂਭੇ ਲਾਹੁਣੇ
♥ ਛੇਤੀ ਛੇਤੀ ਤੋਰ ਯੱਕੇ ਨੂੰ, ਅਸਾਂ ਮਾਹੀ ਦੀ ਤਰੀਕੇ ਜਾਣਾ
♥ ਛੇਤੀ ਛੇਤੀ ਵਧ ਕਿੱਕਰੇ, ਅਸਾਂ ਚੱਜ ਦਾ ਸੰਦੂਕ ਬਣਾਉਣਾ
♥ ਛੇਤੀ ਡੋਲੀ ਤੋਰ ਬਾਬਲਾ, ਮੇਰਾ ਚੰਨ ਨੌਕਰ ਸਰਕਾਰੀ
♥ ਛੇਤੀ ਮੁੜ ਆਊਂਗਾ, ਜੰਗ ਵਿਚ ਧੁੰਮਾਂ ਪਾ ਕੇ
♥ ਛੋਟਾ ਘੜਾ ਚੁੱਕ ਨਿਹਾਲੀਏ, ਤੇਰੇ ਲੱਕ ਨੂੰ ਲਚਕ ਨਾ ਆ ਜਾਵੇ
♥ ਛੋਟਾ ਦਿਉਰ ਨੀ ਮੱਕੀ ਦੀ ਰਾਖੀ- ਡੱਬ ਵਿਚ ਲਿਆਊ ਛੱਲੀਆਂ
♥ ਛੋਲੇ ਛੋਲੇ ਛੋਲੇ, ਅੱਜ ਮੇਰੇ ਅਮਲੀ ਦੇ ਫੀਮ ਰਗਾਂ ਵਿਚ ਬੋਲੇ
ਨਿੱਕੀਆਂ ਪੰਜਾਬੀ ਮੁਹੱਬਤੀ ਬੋਲੀਆਂ- 34
