♥ ਤੈਨੂੰ ਮੇਰੀਆਂ ਅੱਖਾਂ ਦੀ ਲੱਜ ਕਾਹਦੀ- ਨੀ ਅੱਖ ਮਾਰ ਮੋਹ ਲੈ ਜੱਟ ਨੂੰ
♥ ਤੈਨੂੰ ਯਾਰ ਰੱਖਣਾ ਨਾ ਆਵੇ, ਬੋਲ ਕੇ ਵਿਗਾੜ ਦਿਨੀਂ ਐਂ
♥ ਤੈਨੂੰ ਰੋਣ ਗੇ ਅੰਬਰ ਦੇ ਤਾਰੇ, ਜਲ ਵਿਚ ਹੋਣ ਮੱਛੀਆਂ
♥ ਤੈਨੂੰ ਲੈਣ ਕੋਈ ਨੀ ਆਇਆ- ਬਹੁਤੇ ਭਰਾਵਾਂ ਵਾਲੀਏ
♥ ਤੈਨੂੰ ਲੈਦੂੰ ਸਲੀਪਰ ਕਾਲੇ- ਭਾਵੇਂ ਮੇਰੀ ਭੋਂ ਵਿਕ ਜੇ
♥ ਤੈਨੂੰ ਵਿਗਲ ਵੱਜਿਆ ਰੰਗਰੂਟਾ, ਕੱਸ ਲੈ ਬੂਟ ਪੱਟੀਆਂ
♥ ਤੋਤਾ ਪੀ ਗਿਆ ਗੁਲਾਬੀ ਰੰਗ ਤੇਰਾ, ਨਿੰਮ ਨਾਲ ਝੂਟਦੀਏ
♥ ਤੋਰ ਕੁਆਰੀ ਦੀ, ਸਿੱਖ ਲੈ ਹੀਰਿਆ ਹਰਨਾਂ
♥ ਤੋਰ ਕੁਆਰੀ ਦੀ, ਜੁੱਤੀ ਖੱਲ ਦੀ ਮਰੋੜਾ ਨਹੀਂ ਝੱਲਦੀ
♥ ਤੋਰ ਪੰਜਾਬਣ ਦੀ, ਜੁੱਤੀ ਖੱਲ ਦੀ ਮਰੋੜਾ ਨਹੀਂ ਝੱਲਦੀ
♥ ਥੋੜ੍ਹੀ ਕੁ ਮੈਂ ਭਿੱਜ ਗਈ, ਨਾਲੇ ਭਿੱਜ ਗਿਆ ਯਾਰ ਬਗਾਨਾ
♥ ਦੱਸ ਕਾਹਦੇ ਆਸਰੇ ਜੀਵਾਂ, ਮਿੱਤਰਾ ਅਲੋਪ ਹੋ ਗਿਆ
♥ ਦੰਦੀ ਵੱਢੀ ਦਾ ਹਜਾਰ ਮੁੱਲ ਪੈਂਦਾ, ਛੱਡਤਾ ਲਿਹਾਜ ਕਰਕੇ
♥ ਦੰਦੀ ਵੱਢੀਏ ਤਾਂ ਦਾਗ ਨਾ ਪਾਈਏ, ਅੰਬ ਵਾਂਗੂੰ ਚੂਸ ਲਈਏ
♥ ਦੰਦੀਆਂ ਨਾ ਵੱਢ ਵੇ, ਕੁੜੀਆਂ ਕੋਲ ਨੂੰ ਜਾਣਾ
♥ ਦਮੜੀ ਦਾ ਸੱਕ ਮਲ ਕੇ, ਮੁੰਡਾ ਮੋਹ ਲਿਆ ਤਬੀਤਾਂ ਵਾਲਾ
♥ ਦਰ ਦਰ ਪੈਜੂ ਮੰਗਣਾ, ਕੀ ਲੈਣਾ ਸਾਧਣੀ ਬਣਕੇ
♥ ਦਾਹੜੀ ਆਈ ਤੇ ਦੇਊਂ ਮੁਕਲਾਬਾ, ਨੱਤੀਆਂ ਦੀ ਪਹੁੰਚ ਨਹੀਂ
♥ ਦਾਹੜੀ ਵਾਲਾ ਸ਼ਰਮ ਕਰੇ, ਅਣ ਦਾਹੜੀਆ ਪੱਟਾਂ ਦਾ ਵੈਰੀ
♥ ਦਾਦੇ ਮਗਉਣੇ ਰੀਠੜੇ, ਭੈਣਾਂ ਨੂੰ ਦੇਖਣ ਆਏ
♥ ਦਾਰੂ ਪੀ ਕੇ ਹੋਜਾ ਤਕੜਾ, ਵੇ ਮੈਂ ਕੱਚਿਆਂ ਦੁੱਧਾਂ ਨਾਲ ਪਾਲੀ
ਨਿੱਕੀਆਂ ਪੰਜਾਬੀ ਮੁਹੱਬਤੀ ਬੋਲੀਆਂ- 48
