♥ ਧਾਰੀ ਬੰਨ੍ਹ ਸੁਰਮਾ ਨਾ ਪਾਈਏ, ਪੇਕਿਆਂ ਘਰ ਕੁੜੀਏ
♥ ਧਾਰੀ ਬੰਨ੍ਹ ਸੁਰਮਾਂ ਨਾ ਪਾਈਏ, ਵਸਣਾ ਸਰੀਕਾਂ ਦਾ
♥ ਧੀ ਸੁਨਿਆਰਿਆਂ ਦੀ, ਫੁੱਲ ਬਣਕੇ ਬਾਗਾਂ ਚੋਂ ਆਈ
♥ਧੀ ਚੱਕੋ ਠਾਣੇਦਾਰ ਦੀ, ਜਿਹੜਾ ਲੱਮੀਆਂ ਤਰੀਕਾਂ ਪਾਵੇ
♥ ਧੀ ਪੁੱਤਾਂ ਦੇ ਬਰਾਬਰ ਪਾਲੀ- ਮੁੰਡੇ ਵਾਲੇ ਲੈ ਜਾਣਗੇ
♥ ਧੀਆਂ ਹੁੰਦੀਆਂ ਨੇ ਧਨ ਬੇਗਾਨਾ- ਖੁਸ਼ੀ ਖੁਸ਼ੀ ਤੋਰ ਬਾਬਲਾ
♥ ਧੀਆਂ ਦੇ ਲੇਖ ਲਿਖਤੇ, ਪੁੱਤ ਆਪਦੇ ਟਿਕਾਣੇ ਰਹਿੰਦੇ
♥ ਧੀਏ ਤੇਰਿਆਂ ਦੰਦਾਂ ਨੇ ਲੈ ਲਈ- ਸੱਪ ਵਰਗੀ ਕੁੜਮਣੀ ਮੇਰੀ
♥ ਧੀਏ ਰੋਣ ਬਚੜਿਆਂ ਦੀਆਂ ਨਾਰਾਂ, ਨਿੱਕੜਿਆਂ ਤੋਂ ਹੋਣ ਗੱਭਰੂ
♥ ਧੋਬੀਆਂ ਨੇ ਖੁੰਬ ਚਾੜ੍ਹਤੀ, ਮੁੰਡਾ ਨਿਕਲਿਆ ਸਰ੍ਹੋਂ ਦੇ ਫੁੱਲ ਵਰਗਾ
♥ ਨਸ਼ੇ ਚੜ੍ਹ ਗਏ ਬੰਬਾਂ ਦੇ ਐਸੇ, ਮੱਤ ਗਈ ਸਿਆਣਿਆਂ ਦੀ
♥ ਨਹੀਂ ਬਾਪੂ ਮੈਂ ਮਰਜਾਂ- ਨਹੀਂ ਮਰਜੇ ਕੁੜਮਣੀ ਤੇਰੀ
♥ ਨਹੀਂ ਬਾਪੂ ਮੈਂ ਮਰਜਾਂ- ਨਹੀਂ ਮਰਜੇ ਮੰਗੇਤਰ ਮੇਰਾ
♥ ਨਹੀਂ ਭੁਲਣਾ ਵਿਛੋੜਾ ਤੇਰਾ, ਸਭ ਕੁਝ ਭੁੱਲ ਜਾਣਗੇ
♥ ਨਹੀਂ ਲੰਘਦੇ ਘਰਾਂ ਦੇ ਲਾਂਹਜੇ, ਛੱਡਦੇ ਤੂੰ ਵੈਲਦਾਰੀਆਂ
♥ ਨੱਕ ਅਪਣਾ ਵਢਾ ਲਾ ਆਪੇ, ਮੁੜ ਮੈਨੂੰ ਆਖੀਂ ਨਾ
♥ ਨੱਕੇ ਛੱਡੂੰਗੀ ਕਣਕ ਦੇ ਤੇਰੇ, ਏਦੂੰ ਕੁਆਰੀ ਰੱਖ ਬਾਬਲਾ
♥ ਨੰਗਾ ਰੱਖਦੀ ਕਲਿੱਪ ਵਾਲਾ ਪਾਸਾ, ਜੇਠ ਕੋਲੋਂ ਘੁੰਡ ਕੱਢਦੀ
♥ ਨੰਗੇ ਪੈਰ ਸੁੰਭਰਦੀ ਡੇਰਾ, ਸੰਤਾਂ ਤੋਂ ਪੁੱਤ ਮੰਗਦੀ
♥ ਨੱਚ ਲੈ ਮੋਰਨੀਏ, ਮੈਂ ਪੰਜ ਪਤਾਸੇ ਵਾਰਾਂ
♥ ਨੱਚ ਲੈ ਬਿਸ਼ਨੀਏ, ਤੇਰੀ ਵਾਰੀ ਆਈ ਐ
ਨਿੱਕੀਆਂ ਪੰਜਾਬੀ ਮੁਹੱਬਤੀ ਬੋਲੀਆਂ- 51
