♥ ਮੇਰੇ ਜੇਠ ਦੀ ਲਲਾਮੀ ਬੋਲੇ, ਵਿਚ ਕੁਰਸ਼ੇਤਰ ਦੇ
♥ ਮੇਰੇ ਜੇਠ ਦੇ ਪੁੱਠੇ ਦਿਨ ਆਏ, ਕਿੱਕਰਾਂ ਨੂੰ ਪਾਵੇ ਜੱਫੀਆਂ
♥ ਮੇਰੇ ਜੇਠ ਨੇ ਜਿਠਾਣੀ ਪੁੰਨ ਕੀਤੀ, ਵਿਚ ਕੁਰਸ਼ੇਤਰ ਦੇ
♥ ਮੇਰੇ ਦਿਲ ਦਾ ਚੁਬਾਰਾ ਖਾਲੀ- ਇਕ ਤੇਰੀ ਜਿੰਦ ਤੋਂ ਬਿਨਾਂ
♥ ਮੇਰੇ ਦੁਖੀ ਦੇ ਦਖਾ ਕੇ ਦਿਲ ਨੂੰ- ਤੈਂ ਕੀ ਲੈ ਲਿਆ ਰੱਬਾ
♥ ਮੇਰੇ ਨਰਮ ਕਾਲਜੇ ਲੜਗੇ- ਲੱਡੂ ਖਾ ਨੇ ਤੇਰੇ ਤੇਲ ਦੇ
♥ ਮੇਰੇ ਨੈਣ ਸੁਰਮਾ ਨਾ ਝੱਲਦੇ, ਪੰਛੀਆਂ ਨੇ ਪਾ ਲਏ ਆਹਲਣੇ
♥ ਮੇਰੇ ਭਾ ਦਾ ਖੋਹਲੇ ਬਾਗਲੀ, ਜੀਜਾ ਲੱਕ ਨੂੰ ਖੁਰਕਦਾ ਆਵੇ
♥ ਮੇਰੇ ਭਾ ਦਾ ਦੁੱਧ ਮੁਸ਼ਕੇ- ਤੇਰਾ ਰੰਗ ਮੁਸ਼ਕੇ ਮੁਟਿਆਰੇ
♥ ਮੇਰੇ ਮਨ ਵਸੇਂ ਦਿਨ ਰਾਤੀਂ, ਪਰ ਅੱਖੀਆਂ ਤੋਂ ਦੂਰ ਸੱਜਣਾ
♥ ਮੇਰੇ ਮਾਹੀ ਦਾ ਸੁਨੇਹਾ ਲੈ ਜਾ, ਬਸਰੇ ਨੂੰ ਜਾਣ ਵਾਲਿਆ
♥ ਮੇਰੇ ਯਾਰ ਨੂੰ ਮੰਦਾ ਨਾ ਬੋਲੀ- ਮੇਰੀ ਭਾਵੇਂ ਗੁੱਤ ਪੁੱਟ ਲੈ
♥ ਮੇਰੇ ਯਾਰ ਨੇ ਚੁਬਾਰਾ ਪਾਇਆ, ਚੜ੍ਹਦੀ ਦੇ ਪੱਟ ਫੁੱਲ ਗੇ
♥ ਮੇਰੇ ਯਾਰ ਨੇ ਡੰਡੀਆਂ ਕਰਾਈਆਂ, ਸੱਸ ਦਾ ਨਾਂ ਬੋਲਦਾ
♥ ਮੇਰੇ ਵਕੀਲਾਂ ਨੇ- ਜੱਜ ਦੀ ਭੁਆਤੀ ਚੱਕਰੀ
♥ ਮੇਰੇ ਵੱਲ ਵੇਖ ਮਿੱਤਰਾ, ਮੈਂ ਧਰਤੀ ਫੂਕਦੀ ਆਵਾਂ
♥ ਮੇਰੇ ਵੇਚ ਕੇ ਕੰਨਾਂ ਦੇ ਵਾਲੇ, ਗੰਮ ਹੱਡ ਪਾ ਦੇਈਂ ਮਿੱਤਰਾ
♥ ਮੇਲੇ ਜਾਵੇਗਾ ਲਿਆਈਂ ਨਾਲਾ, ਲੈ ਜਾ ਮੇਰਾ ਲੱਕ ਮਿਣ ਕੇ
♥ ਮੈਂ ਆਧਿਆਂ ਮਰੱਬਿਆਂ ਵਾਲੀ, ਦਿਉਰਾ ਮੇਰੀ ਭੋਂ ਵੰਡਦੇ
♥ ਮੈਂ ਆਰਸੀ ਦਾ ਕੌਲ ਬਣਾਇਆ, ਅੱਧੀ ਰਾਤੀਂ ਪਾਣੀ ਮੰਗਿਆ
♥ ਮੈਂ ਸਾਗ ਤੋੜਦੀ ਆਈ, ਮੁੱਠੀਆਂ ਭਰ ਮੁੰਡਿਆ
ਨਿੱਕੀਆਂ ਪੰਜਾਬੀ ਮੁਹੱਬਤੀ ਬੋਲੀਆਂ- 70
