♥ ਰੰਡੀ ਹੋਣ ਨੂੰ ਬੜਾ ਦਿਲ ਕਰਦਾ, ਰੰਡੀਆਂ ਦੇ ਪੈਣ ਕੰਢੀਆਂ
♥ ਰੰਡੀ ਹੋਵਾਂ ਹੋਰ ਕਰਲਾਂ, ਕੰਬਲੀ ਵਾਲੇ ਦੀ ਲੱਜ ਮਾਰੇ
♥ ਰੰਡੀ ਬਾਹਮਣੀ ਪਰੋਸੇ ਪੇੜੇ, ਛੜਿਆਂ ਦੇ ਦੋ ਸਿੱਟਗੀ
♥ ਰਤਨਾ ਰਤਨੀ ਕੋਲੋ ਕੋਲੀ ਵਿਚ ਰਤਨਾ ਦੇ ਠਾਣਾ
♥ ਰੱਤਾ ਪਲੰਘ ਚੰਨਣ ਦੇ ਪਾਵੇ, ਤੋੜ ਤੋੜ ਖਾਣ ਹੱਡੀਆਂ
♥ ਰੰਨ ਹੱਸ ਕੇ ਕਚਹਿਰੀਉਂ ਨਿੱਕਲੀ, ਪਹਿਲੀ ਪੇਸ਼ੀ ਯਾਰ ਛੁੱਟਿਆ
♥ ਰੰਨਾਂ ਮੁੰਦ ਦਿਉ ਘੜੇ ਵਿਚ ਪਾਕੇ, ਵਰਮ੍ਹਾਂ ਨੂੰ ਜਾਣ ਵਾਲਿਉ
♥ ਰੰਨਾਂ ਵਾਲਿਆਂ ਦੇ ਪਲੰਘ ਰੰਗੀਲੇ, ਛੜਿਆਂ ਦੀ ਬਾਣ ਦੀ ਮੰਜੀ
♥ ਰੱਬ ਤੈਨੂੰ ਬਖਸ਼ੇਗਾ, ਕੀਕੂੰ ਮਿੱਤਰਾਂ ਨੂੰ ਦਮ ਦੇਣੀਏਂ
♥ ਰੱਬ ਫਿਰਦਾ ਸੀ ਧੰਨੇ ਦੇ ਖੁਰ ਵਢਦਾ, ਉਹਨੇ ਕਿਹੜਾ ਕੱਛ ਪਾਣੀ ਸੀ
♥ ਰੱਬ ਮਿਲਦਾ ਗਰੀਬੀ ਦ੍ਹਾਵੇ, ਦੁਨੀਆਂ ਮਾਣ ਕਰਦੀ
♥ ਰੱਬ ਵਰਗਾ ਆਸਰਾ ਤੇਰਾ ਜਿਉਂਦਾ ਰਹਿ ਮਿੱਤਰਾ
♥ ਰੱਬਾ ਲੱਗ ਨਾ ਕਿਸੇ ਨੂੰ ਜਾਵੇ, ਗੁੜ ਨਾਲੋਂ ਇਸ਼ਕ ਮਿੱਠਾ
♥ ਰਲ ਆਉ ਸਈਉ ਨੀ, ਸਭੇ ਤੀਆਂ ਝੂਟਣ ਜਾਈਏ
♥ ਰਾਈ ਰਾਈ ਰਾਈ, ਸੱਪਣੀ ਬਣ ਤੁਰਦੀ, ਤੇਰੇ ਪਸੰਦ ਨਾ ਆਈ
♥ ਰਾਈ ਰਾਈ ਰਾਈ, ਭਰਮਾਂ ਦਿਆ ਪੱਟਿਆ, ਮੈਂ ਤੀਆਂ ਦੇਖ ਕੇ ਆਈ
♥ ਰਾਹ ਭੁੱਲਗੀ ਮੋੜ ਤੋਂ ਆ ਕੇ, ਲੰਮੀਂ ਸੀਟੀ ਮਾਰ ਸੱਜਣਾ
♥ ਰਾਹੇ ਰਾਹੇ ਜਾਣ ਪੱਠੀਆਂ, ਗੋਰੇ ਰੰਗ ਦੀ ਵਾਸ਼ਨਾ ਆਵੇ
♥ ਰਾਜ ਫਰੰਗੀਆਂ ਦਾ, ਤੁਰ ਪਏ ਗਿਲਟ ਦੇ ਆਨੇ
♥ ਰਾਜ ਭਰਜਾਈਆਂ ਦਾ ਵਿਹੜੇ ਵੀਰਾਂ ਦੇ ਸੰਗਦੀ ਨਾ ਜਾਵਾਂ
♥ ਰਾਜੀ ਖੁਸ਼ੀ ਵਸ ਮਿੱਤਰਾ- ਅਸੀਂ ਟੁਰ ਪ੍ਰਦੇਸੀਂ ਜਾਣਾ
ਨਿੱਕੀਆਂ ਪੰਜਾਬੀ ਮੁਹੱਬਤੀ ਬੋਲੀਆਂ- 75
