ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਕਹਿੰਦੇ ਗੁਰ ਜੀ 'ਹੋਸਣ ਤੈਨੂੰ।'
ਏਸੇ ਤਰਾਂ ਨਜ਼ਾਰੇ
ਸੇਠ ਜਗਤ ਦੇ ਨਾਲ ਗੁਰਾਂ ਨੇ
ਏਹ ਗਲ ਕੀਤੀ ਮਿੱਠੀ:
'ਸਾਡੇ ਕੋਲ ਹੈ ਕਾਫੀ ਇੱਕੋ
ਸਤਿਗੁਰ ਜੀ ਦੀ ਚਿੱਠੀ ।'
ਰੋਂਦੇ ਧੋਂਦੇ ਛੱਡ ਸ਼ਹਿਰ ਨੂੰ
ਤੁਰ ਪਏ ਗੁਰ ਜੀ ਪਿਆਰੇ,
ਰੂਹ ਨੂਰਾਨੀ ਉਡਿਆ ਵਿੱਚੋਂ
ਬੁਤ ਵਾਂਗੂੰ ਰਹੇ ਸਾਰੇ ।
'ਸ਼ਰਫ਼' ਉਹੋ ਹੀ ਰੂਹ ਨੂਰਾਨੀ
ਵਿੱਚ ਅਨੰਦਪੁਰ ਆਯਾ,
ਚੋਲਾ ਪਾ ਕਰਬਾਨੀ ਵਾਲਾ
ਜਿਸਨੇ ਹਿੰਦ ਬਚਾਯਾ !
-- --
ਬੰਨੇ ਲਾਉਣ ਆਏ
ਸ਼ੁਭ ਵਾਰ ਸੀ ਜਦੋਂ ਦਸਮੇਸ਼ ਪਿਆਰੇ,
ਤੁਸੀਂ ਜਗਤ ਅੰਦਰ ਫੇਰਾ ਪੌਣ ਆਏ ।
ਮਾਤਾ ਪਿਤਾ ਦੇ ਕਾਲਜੇ ਠੰਢ ਪਾ ਕੇ,
ਭਾਂਬੜ ਪਾਪ ਦੇ ਨਾਲੇ ਬੁਝੌਣ ਆਏ ।
ਨੌਵਾਂ ਗੁਰੂਆਂ ਦੀ ਨੌਵੇਂ ਹੀ ਵਰ੍ਹੇ ਅੰਦਰ,
ਤੁਸੀਂ ਸ਼ਾਨ ਤੇ ਸ਼ਕਤੀ ਵਿਖੌਣ ਆਏ ।
੧੦੨.
