ਪੰਨਾ:ਨੂਰੀ ਦਰਸ਼ਨ.pdf/141

ਵਿਕੀਸਰੋਤ ਤੋਂ
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

ਚੱਲੇ ਕਲਮ ਰਬਾਣੀ ਬਣ ਕੇ
ਕਿਸ ਤੋਂ ਮੋੜੀ ਜਾਵੇ,
ਤਿੱਕੇ ਬੋਟੀ ਕਰ ਕਰ ਦੂਤੀ
ਅੱਖਰ ਵਾਂਗ ਮਿਟਾਵੇ,
ਨਿੱਤਰ ਨਿੱਤਰ ਕਰੇ ਨਿਤਾਰੇ
ਦੋਧਿਆਂ ਦੰਦਾਂ ਵਾਲੀ,
ਅਸ਼ਟ ਭੁਜੀ ਨੇ ਕਰ ਦਿਖਲਾਈਆਂ
ਚਾਰੇ ਗੁੱਠਾਂ ਖਾਲੀ ।
ਦਾਤਰੀਆਂ ਦੇ ਵਾਂਗੂੰ ਮੁੜ ਮੁੜ
ਐਸੇ ਦੰਦ ਦਿਖਾਏ,
ਆਹੂ ਸੱਥਰ ਲਾਹ ਫੌਜਾਂ
ਸੁਸਰੀ ਵਾਂਗ ਸਵਾਏ,
ਖੂੰਡੀ ਵਾਂਗੂੰ ਦੁਹਰੀ ਹੋ ਹੋ
ਐਸੇ ਟੋਣੇ ਲਾਏ,
ਖਿੱਦੋ ਵਾਂਗੂੰ ਸੀਸ ਧੜਾਂ ਦੇ
ਦਾਈਆਂ ਕੋਲ ਪੁਚਾਏ,
ਵਾਂਗ ਚੰਦਰਮਾਂ ਉੱਚੀ ਹੋ ਹੋ,
ਜੇਹੀਆਂ ਚੋਭਾਂ ਲਾਈਆਂ,
ਰੁਸਤਮ ਵਰਗੇ ਕਬਰਾਂ ਵਿਚੋਂ
ਲੱਗੇ ਪਾਣ ਦੁਹਾਈਆਂ ।
ਅਮਰ-ਕੋਟ ਵਿਚ ਕੂੰਜਾਂ ਵਾਂਗੂੰ ।
ਜਾ ਜਾ ਕੇ ਖੰਭ ਝਾੜੇ,
ਡੇਹਰਾ ਦੂਨ ਨਦੌਨ ਅੰਦਰ ਜਾ
ਪਾਪੀ ਵੈਰੀ ਤਾੜੇ,
ਨਿਰਮੋਹ ਗੜ੍ਹ ਕਲਮੋਟਾ ਸਾੜੇ
ਜੀਭੋਂ ਕਢ ਚੰਘਿਆੜੇ,

੧੩੫.