ਪੰਨਾ:ਨੂਰੀ ਦਰਸ਼ਨ.pdf/161

ਵਿਕੀਸਰੋਤ ਤੋਂ
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

ਦੀਨਾ ਬੰਧੂ ਸਤਿਗੁਰ ਜੀ ਨੇ,
ਫੜਕੇ ਸੀਸ ਉਠਾਇਆ ।
ਚਰਨਾਂ ਵਿੱਚ ਬਹਾਕੇ ਮੈਨੂੰ
ਹਸ ਹਸ ਕੇ ਫਰਮਾਇਆ:-
"ਪ੍ਯਾਰੇ ਕਾਰਨ ਤੋਹਫ਼ਾ ਖੜਦਾ,
ਮਿਲਣ ਕੋਈ ਜਦ ਜਾਂਦਾ,
'ਦੁਨੀਆਂ' ਵਿੱਚੋਂ ਸਾਡੇ ਬਦਲੇ,
ਤੂੰ ਕੀ ਤੋਹਫ਼ਾ ਆਂਦਾ ?
ਨਿੰਮੋਝੂਣੇ ਨੀਵੀਂ ਅੱਖੀਂ
ਹੱਥ ਬੰਨ੍ਹ ਅਰਜ਼ ਗੁਜ਼ਾਰੀ ।
ਜਗ ਵਿੱਚੋਂ ਕੀ ਤੋਹਫ਼ਾ ਲਿਔਂਦਾ ।
ਪਯਾਰੇ ਪਰਉਪਕਾਰੀ ।
ਪਰ ਇੱਕ ਚੀਜ਼ ਲਿਆਂਦੀ ਹੈ ਮੈਂ,
ਜੋ ਹੈ ਤੁਹਾਨੂੰ ਪਯਾਰੀ ।
ਜੀਹਦੇ ਇਕ ਕਤਰੇ ਦੀ ਕੀਮਤ,
ਥੋੜੀ ਦੁਨੀਆਂ ਸਾਰੀ ।
ਪਰਮ ਪਵਿੱਤ੍ਰ ਖ਼ੂਨ ਸ਼ਹੀਦੀ
ਦਾ ਮੈਂ ਪਯਾਲਾ ਲਿਆਂਦਾ।
ਕਲਗੀਧਰ ਜੀ ਵੇਖੋ ਬੇਸ਼ਕ,
ਜੇ ਹੈ ਵੇਖਿਆ ਜਾਂਦਾ ।
--੦--

੧੫੫.