ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਪਾਣੀ ਵਾਂਗੂੰ ਤੁਰ ਤੁਰ
ਨੀਵੇਂ ਵੱਲ ਜਾਣ ਵਾਲਾ,
ਨੀਵੇਂ ਨਾਲ ਰੱਖਿਆ,
ਪਿਆਰ ਰਣਜੀਤ ਸਿੰਘ ।
ਸੰਗਤਾਂ ਦੇ ਹੁਕਮ ਅੱਗੇ
ਹੱਥ ਬੰਨ੍ਹ ਖੜਾ ਹੋਵੇ,
ਖਾਣ ਲਈ ਕੋਟੜੇ
ਤਿਆਰ ਰਣਜੀਤ ਸਿੰਘ ।
ਰਾਜਿਆਂ ਦਾ ਸ਼ਾਹ ਤੇ
ਫ਼ਕੀਰਾਂ ਦਾ ਫ਼ਕੀਰ ਹੈਸੀ,
ਗੋਦੜੀ ਦਾ ਲਾਲ
ਸਰਦਾਰ ਰਣਜੀਤ ਸਿੰਘ ।
'ਸ਼ਰਫ਼' ਅੰਸ ਆਪਣੀ ਮਿਟਾਕੇ
ਏਸ ਜੱਗ ਉੱਤੋਂ,
ਗਿਆ ਅਬਚਲ ਤਖ਼ਤ ਨੂੰ
ਉਸਾਰ ਰਣਜੀਤ ਸਿੰਘ ।
--o--
ਡੁੱਬਾ ਹੋਇਆ ਤਾਰਾ
[ਮਹਾਰਾਜਾ ਸ਼ੇਰ ਸਿੰਘ ਦੀ ਸਮਾਧ]
ਉੱਠ ਕੇ ਸਵੇਰੇ ਅੱਜ
ਸੈਲ ਦੀ ਤਰੰਗ ਵਿੱਚ,
ਹਾਲ ਜਾਕੇ ਵੇਖਿਆ ਮੈਂ
ਸ਼ਾਹੀ ਸ਼ਮਸ਼ਾਨ ।
ਇਕ ਪਾਸੇ ਕੌਰ
੧੭੦.