ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਓਨ੍ਹਾਂ ਚੁੱਪ ਮੂਰਤਾਂ ਨੇ,
ਦਿੱਤਾ ਮੈਨੂੰ ਸਬਕ ਐਸਾ
ਚੁੱਪ ਦੀ ਜ਼ਬਾਨ ਦਾ ।
ਢਹੀਆਂ ਹੋਈਆਂ ਚਿਪਰਾਂ ਤੇ
ਪੈ ਗਈਆਂ ਤ੍ਰੇੜਾਂ ਵਿੱਚੋਂ,
ਥੇਹ ਵਾਂਙੂੰ ਵੇਖਿਆ ਮੈਂ
ਨਕਸ਼ਾ ਜਹਾਨ ਦਾ ।
ਵੇਖ ਕੇ ਸਮਾਧ ਜਦੋਂ
ਬਾਰਾਂਦਰੀ ਵੱਲ ਹੋਇਆ,
ਡਿੱਠਾ ਮੈਂ ਸਿਆਪਾ ਪਿਆ
ਡਾਢੇ ਘਮਸਾਨ ਦਾ ।
ਬਾਹਾਂ ਕੱਢ ਲੰਮੀਆਂ
- ਖਜੂਰਾਂ ਨੇ ਅਲਾਹਣੀ ਦਿੱਤੀ,
ਪਿੱਟ ਪਿੱਟ ਨਾਸ ਕੀਤਾ
ਪਿੱਪਲਾਂ ਨੇ ਜਾਨ ਦਾ ।
ਚੀਕਾਂ ਮਾਰ ਮਾਰ ਕੇ ਤੇ
ਚੂਥੀਆਂ ਨੇ ਵੈਣ ਪਾਏ
ਖ਼ੂਨੀ ਸਫ਼ਾ ਖੋਹਲ ਦਿੱਤਾ
ਬੂਹੇ ਨੇ ਦਲਾਨ ਦਾ ।
ਰਤੀ ਭੀ ਨ +ਸੰਗ ਕੀਤੀ,
ਜਾਲੀ ਮਰਮਰ ਦੀ ਨੇ,
ਸੀਨੇ ਤੇ ਵਿਖਾਇਆ ਫੱਟ
ਗੋਲੀ ਦੇ ਨਿਸ਼ਾਨ ਦਾ ।
- ਖਜੂਰਾਂ ਤੇ ਪਿਪਲ ਦੇ ਬੂਟੇ ਸਮਾਧ ਤੇ ਹਨ।
+ਸੰਗ ਮਰਮਰ ਦੀ ਜਾਲੀ ਉਤੇ ਗੋਲੀ ਦਾ ਨਿਸ਼ਾਨ ਅਜੇ ਤਕ ਮੌਜੂਦ ਹੈ।
੧੭੩.
