ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਖ਼ੂਨ ਜਿਨ੍ਹੇਂ ਕਰ ਦਿੱਤਾ,
ਪਿਤਾ ਪੁੱਤ ਦੋਹਾਂ ਦੇ ਹੀ
ਦਿਲੀ ਅਰਮਾਨ ਦਾ ।
ਇਕ ਤੇ ਸੁਟਾਈ ਕੰਧ
ਦੂਜੇ ਨੂੰ ਦਵਾਈ ਜ਼ਹਿਰ
ਥੇਹ ਜਿਨ੍ਹੇ ਕਰ ਦਿੱਤਾ
ਹੀਰਿਆਂ ਦੀ ਖਾਨ ਦਾ ।
ਮਹਾਰਾਣੀ ਚੰਦਾਂ ਅਤੇ
ਨਾਲ ਓਹਦੀ ਨੂੰਹ ਨੂੰ ਭੀ,
ਕੀਤਾ ਸੀ ਸ਼ਿਕਾਰ ਜਿਨ੍ਹੇਂ
ਆਪਣੇ ਈਮਾਨ ਦਾ ।
ਧੋਖੇ ਨਾਲ ਮਾਰ ਕੇ
'ਜਵਾਲਾ ਸਿੰਘ' ਸੁਰਮੇ ਨੂੰ,
ਮੁੱਛਾਂ ਨੂੰ ਮਰੋੜ ਜੇਹੜਾ
ਹਿੱਕ ਹੈਸੀ ਤਾਨਦਾ।
ਚਾਲਾਂ ਨਾਲ ਮਾਰ ਮਾਰ
ਵਫ਼ਾਦਾਰ ਸੂਰਿਆਂ ਨੂੰ,
ਬੋਲਬਾਬਾ ਕੀਤਾ ਜਿਨ੍ਹੇਂ,
ਆਪਣੀ ਜ਼ਬਾਨ ਦਾ।
ਓਸੇ ਪਾਪੀ 'ਡੋਗਰੇ
ਵਜ਼ੀਰ' ਨੇ ਬੁਝਾਇਆ ਹੈਸੀ,
ਦਗੇ ਨਾਲ ਇਕ ਭੀ ਦੀਵਾ
ਸ਼ਾਹੀ ਖ਼ਾਨਦਾਨ ਦਾ ।
'ਸ਼ਰਫ਼' ਸ਼ੇਰ ਸਿੰਘ ਦੀ
ਸਮਾਧ ਜਿਨੂੰ ਆਖਦੇ ਹੋ,
ਡੁੱਬਾ ਹੋਇਆ ਤਾਰਾ ਹੈ
ਇਹ ਖ਼ਾਲਸੇ ਦੀ ਸ਼ਾਨ ਦਾ ।
੧੭੬.