ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਦਸਵਾਂ ਦਰਸ਼ਨ
ਦਸਮੇਸ਼ ਜੀ ਦਾ ਆਗਮਨ
ਗੱਲ ਕੀ ਏ, ਵੱਲ ਕੀ ਏ,
ਸਜ ਧਜ ਨਾਲ ਅੱਜ,
ਪਿਆਰੀ ਪਿਆਰੀ ਰੈਨ ਹੈਨ,
ਕੀਤੀਆਂ ਤਿਆਰੀਆਂ ?
ਲਾਲ ਸੂਹੇ ਹੱਥ ਕੀਤੇ
ਸ਼ਾਮ ਵਾਲੀ ਲਾਲੀ ਲੈਕੇ,
ਲਾਈਆਂ ਏਸ ਸਾਂਵਲੀ ਨੇ
ਮਹਿੰਦੀਆਂ ਨਿਆਰੀਆਂ ?
ਖਿੱਤੀਆਂ ਜੜਾਊ ਕਾਂਟੇ
ਕੰਨਾਂ ਵਿਚ ਪਾਏ ਹੋਏ ਨੇ,
ਰਾਹ ਕੱਢ ਚੀਰਨੀ ਦਾ
ਜ਼ੁਲਫ਼ਾਂ ਸ਼ਿੰਗਾਰੀਆਂ ?
ਤਾਰਿਆਂ ਦੇ ਨਾਲ ਮੜ੍ਹੀ
ਹੋਈ ਏ ਪੁਸ਼ਾਕ ਏਹਦੀ,
ਚੰਦ ਮੱਥੇ ਮਾਰਦਾ ਹੈ
ਲਿਸ਼ਕਾਂ ਪਿਆਰੀਆਂ ।
ਫੁੱਲ ਹੈ ਅਚੰਭਾ ਕੋਈ
ਭਾਵੇਂ ਅੱਜ ਖਿੜਨ ਵਾਲਾ,
ਜੱਗ ਦੇ ਭੀ ਬਾਗ਼ ਦੀਆਂ
ਮਹਿਕੀਆਂ ਕਿਆਰੀਆਂ ।
ਫੁੱਲਾਂ ਨਾਲ ਭਰੇ ਹੋਏ
ਬੁਲਬੁਲਾਂ ਦੇ ਆਲ੍ਹਣੇ ਨੇ,
੯੨.