੪੧
4-11-09
ਪਿਆਰੇ ਜੀ,
ਆਪ ਸਭ ਕੁਛ ਸਮਝਦੇ ਹੋ, ਮੇਰਾ ਲਿਖਣਾ ਕੇਵਲ ਚੇਤਾ ਕਰਾਣ ਲਈ ਹੈ ।
ਦੁਖ ਪਏ ਤੇ ਅਪਣੀ ਸੁਖ ਭਰੀ ਸ਼ਾਹਨਸ਼ਾਹੀ ਦਾ ਚੇਤਾ ਕਰਾਉਣਾ ਸੱਜਣਾਂ ਦਾ ਧਰਮ ਹੁੰਦਾ ਹੈ ।
ਅਸੀਂ ਸਾਰੇ ਕਲਗੀਧਰ ਦੇ ਦੁਲਾਰੇ ਹਾਂ, ਅਰ ਉਸ ਦੇ ਦੁਲਾਰਿਆਂ ਦੇ ਗੁਣ ਪੈਦਾ ਕਰਨੇ ਏਹ ਸਾਡਾ ਧਰਮ ਹੈ । ਦੁੱਖਾਂ ਕਲੇਸ਼ ਦਾ ਛੁਟਕਾਰਾ ਗੁਰੂਆਂ ਦੀ ਆਰਾਧਨਾ ਵਿਚ ਹੈ । ਸਾਰੇ ਰੋਗਾਂ ਤੇ ਦੁਖਾਂ ਦਾ ਕਾਰਣ ਭੈਯ ਤੇ ਭਰਮ ਹਨ । ਗੁਰੂ ਜੀ ਸੁਖਮਨੀ ਦੇ ਪਾਠ ਦਾ ਮਹਾਤਮ ਏਹ ਦਸਦੇ ਹਨ :
"ਦੂਖ ਰੋਗ ਬਿਨਸੇ ਭੈ ਭਰਮ ॥"
ਭੈ ਤੇ ਭਰਮ ਦੋ ਕਾਰਣ ਹਨ, ਜਿਨ੍ਹਾਂ ਦਾ ਫਲ ਦੁਖ ਤੇ ਰੋਗ ਹਨ । ਸੋ ਜੋ ਪਿਆਰੇ ਸਤਿਗੁਰੂ ਦੀ ਬਾਣੀ ਨਾਲ ਪਿਆਰ ਤੇ ਉਸ ਦਾ ਵੀਚਾਰ ਕਰਦਾ ਹੈ, ਉਸਦੇ ਭੈ ਤੇ ਭਰਮ ਦੂਰ ਹੋ ਜਾਂਦੇ ਹਨ । ਭੈ ਤੇ ਭਰਮ ਦੇ ਨਾਸ਼ ਹੋਯਾਂ ਦੂਖ ਰੋਗ ਦਾ ਮੁਸ਼ਕ ਨਹੀਂ ਰਹਿੰਦਾ । ਵਾਹਿਗੁਰੂ ਆਪਦੇ ਅੰਗ-ਸੰਗ ਹੈ ਅਤੇ ਓਹ ਆਪਣੇ ਦਰੋਂ-ਘਰੋਂ ਆਪ ਨੂੰ ਭੈ ਭਰਮ ਤੋਂ ਦੂਰ ਰਖੋ ਅਤੇ ਆਪ ਵਿਚ ਸਿਦਕ ਤੇ ਭਰੋਸਾ ਦਾਨ ਕਰਕੇ ਚੜ੍ਹਦੀਆਂ ਕਲਾਂ ਵਿਚ ਰਖੇ ।
"ਅਸਥਿਰੁ ਚੀਤੁ ਸਮਾਧਿ ਸਗੋਨੀ ॥"
ਸਦਾ ਬਨੀ ਰਹੇ ।
ਪਿਆਰੇ ਵੀਰ ਦਾ ਵਿਛੋੜਾ ਸਾਨੂੰ ਵਧੀਕ ਨੇਕ ਦਿਆਲੂ ਤੇ ਪਰਮੇਸ਼ੁਰ ਨਾਲ ਪਿਆਰ ਕਰਨ ਵਾਲਾ ਬਨਾਵੇ, ਅਰ ਸਾਨੂੰ ਮਾਯਾ ਵਿਚ ਖਚਿਤ ਹੋ ਜਾਣ ਤੋਂ ਰੋਕੇ ।
–ਵੀਰ ਸਿੰਘ
82
ਪਿਆਰੇ ਜੀਓ