ਪੰਨਾ:ਪੂਰਨ ਜਤੀ ਤੇ ਮਤ੍ਰੇਈ ਲੂਣਾ.pdf/14

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਇਖਲਾਕ ਦਾ ਰਤਨ

ਨੂੰ ਪੂਰਾ ਕਰਨ ਦਾ ਜੋ ਕੋਈ ਭੀ ਕਿਸੇ ਨੇ ਸਾਧਨ ਦਸਿਆ ਬੇਦਰੇਗ ਪਾਣੀ ਵਾਂਗਪੈਸਾ ਰੋੜਕੇ ਉਸ ਨੂੰ ਰਾਜਾ ਪੂਰਾ ਕਰਦੇ ਹੋਇਆ ਆਪਣੀ ਸੱਧਰ ਪੂਰੀ ਹੁੰਦੀ ਦੇਖਣ ਦਾ ਸੁਪਨੇ ਤੇ ਸੁਪਨਾ ਲੈ ਰਿਹਾ ਹੈ।

ਪੂਰਨ ਜੀ ਦਾ ਜਨਮ

੩.

ਰਾਜਾ ਸਾਲਵਾਹਨ ਦੀ ਚਾਹ ਤੇ ਸੱਧਰ ਭਰੀ ਸਿੱਕ ਅੱਜ ਪੂਰਨ ਹੋਈ ਹੋਈ ਦਿਖਾਈ ਦੇ ਰਹੀ ਹੈ, ਉਸਦੇ ਚਿਹਰੇ ਤੇ ਜੋ ਸਦੀਵ ਉਦਾਸੀਨਤਾ ਤੇ ਉਪਰਾਮਤਾ ਦੇ ਨਿਸ਼ਾਨ ਟਪਕਦੇ ਦਿਖਾਈ ਦੇਂਦੇ ਸਨ, ਅੱਜ ਕਿਧਰੇ ਨਜ਼ਰ ਨਹੀਂ ਆਉਂਦੇ? ਸਗੋਂ ਉਦਾਸੀ ਤੇ ਉਪ੍ਰਾਮਤਾ ਦੀ ਥਾਂ ਉਸਦਾ ਚੇਹਰਾ ਗੁਲਾਬ ਦੇ ਫੁੱਲ ਦੀ ਨਿਆਈਂ ਟਹਿਕਦਾ ਨਜ਼ਰ ਆ ਰਿਹਾ ਹੈ। ਅੱਜ ਉਸਦੀ ਸਾਰੀ ਉਮਰ ਦੀ ਸਿੱਕ ਪੂਰੀ ਹੋ ਗਈ ਹੈ, ਅੱਜ ਉਸਦੇ ਮਨ ਦੀਆਂ ਮਨੋ ਕਾਮਨਾਂ ਜੋ ਨਿੱਤ ਸਵੇਰ ਤੋਂ ਲੈ ਸ਼ਾਮ ਤੱਕ ਉਸ ਦੇ ਮਨ ਵਿਚ ਉਠਦੀਆਂ ਰਹਿੰਦੀਆਂ ਸਨ ਪੂਰਨ ਹੋਈਆਂ ਹੋਈਆਂ ਦਿਖਾਈ ਦੇ ਰਹੀਆਂ ਹਨ,ਠੀਕ! ਸੰਸਾਰੀਆਂ ਨੂੰ ਪੁਤ੍ਰ ਦੇ ਜਨਮ ਸਮਾਨ ਕੋਈ ਖੁਸ਼ੀ ਨਹੀਂ, ਅੱਜ ਸਿਆਲ ਕੋਟ ਦਾ ਰਾਜਾ ਸੌਤਰਾ ਹੋ ਗਿਆ ਤੇ ਉਸਦੇ ਦਿਲ ਵਿੱਚੋਂ ਪੁਤਰ ਵਾਸ਼ਨਾ ਦੇ ਪੂਰੇ ਨਾ ਹੋਣ ਦਾ ਰੜਕ ਰਿਹਾ ਕੰਟਕ ਦੂਰ ਹੋ ਗਿਆ ਹੈ, ਉਸ ਦੀ ਨਿਰੰਕਾਰ ਨੇ ਸੁਣ ਲਈ ਹੈ, ਉਸ ਦੀ ਲਾ ਇਲਾਜ ਬੀਮਾਰੀ ਦੀ ਔਧ ਪੁੱੱਗ ਗਈ ਹੈ ਤੇ ਸ਼ਫਾ ਹਾਸਲ ਹੋ ਗਈ ਹੈ। ਅੱਜ ਉਹ ਭੀ ਸਾਰੇ ਸੰਸਾਰਕ ਸੁਖਾਂ ਨੂੰ ਪ੍ਰਾਪਤ ਕਰ ਚੁਕੇ ਬੰਦਿਆਂ