ਵਿਵਹਾਰਕ ਜ਼ਿੰਦਗਆ
੨੩੧
ਰਿਵਾਜ ਆਮ ਪ੍ਰਚਲਤ ਹੋ ਰਿਹਾ ਹੈ ਕਿ ਇਹ ਲੋਕ ਫਰੋਸ਼ ਆਪਣੀਆਂ ਹੀ ਦੁਕਾਨਾਂ ਦੀਆਂ ਸ਼ਾਖਾਂ ਪਿੰਡਾਂ ਵਿਚ ਖੋਲ ਦਿੰਦੇ ਹਨ ਤਾਕਿ ਆਮ ਜਨਤਾ ਨੂੰ ਕੁਝ ਸਸਤੀਆਂ ਪੈ ਜਾਣ ਤੇ ਆਪ ਨੂੰ ਭੀ ਕਾਫੀ ਨਫਾ ਬਚ ਸਕੇ । ਕਈ ਦੁਕਾਨਾਂ ਤਾਂ ਇਤਨੀਆਂ ਵਡੀਆਂ ਹਨ ਕਿ ਉਨ੍ਹਾਂ ਦੀਆਂ ਸ਼ਾਖਾਂ ਹਰ ਮੁਲਕ ਦੇ ਹਰ ਸ਼ਹਿਰ ਤੇ ਕਸਬੇ ਵਿਚ ਪਾਈਆਂ ਜਾਂਦੀਆਂ ਹਨ ਅਤੇ ਕੁਝ ਕੁ ਇਤਨੀਆਂ ਵਡੀਆਂ ਹਨ ਕਿ ਸਾਰੀ ਦੁਨੀਆਂ ਵਿਚ ਫੈਲੀਆਂ ਹੋਈਆਂ ਹਨ, ਜਿਸ ਤਰਾਂ ਕਿ ਅਮਰੀਕਾ ਦੇ ਪਿਗਲੀ ਵਿਗਲੀ ਸਟੋਰ ॥ ਕਈ ਦੁਕਾਨਾਂ ਇਸ ਗਲ ਵਿਚ ਵਿਸ਼ੇਸ਼ਤਾ ਰਖਦੀਆਂ ਹਨ ਕਿ ਉਥੇ ਸਾਰੀਆਂ ਚੀਜ਼ਾਂ ਇਕੇ ਕੀਮਤ ਤੇ ਹੀ ਵੇਚੀਆਂ ਜਾਂਦੀਆਂ ਹਨ-ਯਥਾ ਪੈਨੀ ਸਟੋਰ, ਸ਼ਲਿੰਗ ਸਟੋਰ, ਜਾਂ ਦਸ, ਪੰਦਰਾਂ ਸੈਂਟ ਸਟੋਰ । ਇਨ੍ਹਾਂ ਵਿਚੋਂ ਕਿਸੇ ਵਿਚ ਜਾਓ ਹਰ ਇਕ ਚੀਜ਼ ਇਕ ਪੈਨੀ, ਇਕ ਸ਼ਲਿੰਗ, ਦਸ ਸੈਂਟ ਜਾਂ ਪੰਦਰਾਂ ਸੈਂਟ ਨੂੰ ਮਿਲ ਜਾਵੇਗੀ । ਸਾਡੇ ਮੁਲਕ ਵਿਚ ਭੀ ਅਜੇਹੀਆਂ ਦੁਕਾਨਾਂ ਦੀ ਲੋੜ ਹੈ ਤਾਕਿ ਗਰੀਬ ਲੋਕ ਇਨ੍ਹਾਂ ਤੋਂ ਲਾਭ ਉਠਾ ਸਕਿਆ ਕਰਨ।
ਖੇਤੀ ਦੀ ਪੈਦਾਇਸ਼ ਨੂੰ ਵੇਚਣ ਦੀਆਂ ਮੰਡੀਆਂ ਸਾਡੇ ਦੇਸ਼ ਦੀਆਂ ਮੰਡੀਆਂ ਨਾਲੋਂ ਖਾਸ ਵਿਸ਼ੇਸ਼ਤਾ ਰਖਦੀਆਂ ਹਨ। ਪਹਿਲੀ ਗਲ ਤੇ ਇਹ ਕਿ ਜੋ ਜਿਨਸ ਤੁਸੀਂ ਪੈਦਾ ਕੀਤੀ ਉਸ ਨੂੰ ਖਰੀਦਨ ਵਾਲੀਆਂ ਕੰਪਨੀਆਂ ਦੇ ਏਜੰਟ ਖੇਤੀ ਪਕਣ ਤੋਂ ਪਹਿਲਾਂ ਤੁਹਾਡੇ ਪਾਸ ਆਉਣਗੇ ਤੇ ਤੁਸੀਂ ਉਨ੍ਹਾਂ ਵਿਚੋਂ ਜਿਸ ਨਾਲ ਮਰਜ਼ੀ ਹੈ ਗਲ ਬਾਤ
