੨੪੦
ਪੂਰਬ ਅਤੇ ਪੱਛਮ
ਪੂਰੀ ਈਮਾਨਦਾਰੀ ਕਰਨੀ ਹੈ ਅਤੇ ਖਰਚਾਂ ਨੂੰ ਆਮਦਨ ਦੇ ਵਿਚਕਾਰ ਹੀ ਰਖਣਾ ਹੈ, ਤਦ ਤਕ ਸੰਜਮਕ ਤੌਰ ਤੇ ਸਾਡੀ ਬੀਮਾਰੀ ਦੂਰ ਨਹੀਂ ਹੋ ਸਕਦੀ। ਕੀ ਅਜੇਹਾ ਕਰਨ ਲਈ ਅਸੀਂ ਸਾਰੇ ਤਿਆਰ ਹਾਂ!
੪-ਇਸਤੀ ਦੀ ਆਰਥਕ ਸੁਤੰਤ੍ਰਤਾ
ਪੱਛਮੀ ਦੇਸ਼ਾਂ ਦੀ ਵਿਵਹਾਰਕ ਜ਼ਿੰਦਗੀ ਦਾ ਖਾਸ ਚਨ ਜੋ ਸਾਡੇ ਲਈ ਸਿਖਿਆ ਦਾਇਕ ਹੈ, ਇਸਤ੍ਰੀ ਦੀ ਆਰਥਕ ਸੁਤੰਤਾ ਹੈ । ਹਰ ਇਕ ਪੱਛਮੀ ਇਸਤ੍ਰੀ ਇਸ ਯੋਗ ਹੈ ਕਿ ਲੋੜ ਪੈਣ ਤੇ ਜਾਂ ਜੇਕਰ ਉਸਦਾ ਦਿਲ ਕਰੇ ਤਾਂ ਆਪਣੀ ਗੁਜ਼ਰਾਨ ਲਈ ਉਹ ਆਪ ਕਮਾਈ ਕਰ ਸਕਦੀ ਹੈ ਅਤੇ ਉਸ ਨੂੰ ਕਿਸੇ ਦਾ ਸਹਾਰਾ ਤਕਣ ਦੀ ਲੋੜ ਨਹੀਂ । ਉਸਦਾ ਕਾਰਨ ਇਹ ਹੈ ਕਿ ਪੱਛਮੀ ਲੋਕ ਨੇ ਕੋਮਲ ਸੰਸਾਰ ਨੂੰ ਕੇਵਲ ਬੱਚੇ ਪੈਦਾ ਕਰਨ ਦੀ ਮਸ਼ੀਨ ਹੀ ਨਹੀਂ ਸਮਝਿਆ ਹੋਇਆ ਅਤੇ ਨਾਂਹੀ ਉਸ ਨੂੰ ਆਪਣੇ ਪਤੀ ਤੇ ਭਾਰ ਬਣਕੇ ਉਸਦੀ ਦਾਸੀ ਹੋਕੇ ਰਹਿਣ ਲਈ ਸਿਖਿਆ ਦਿਤੀ ਜਾਂਦੀ ਹੈ । ਇਸ ਲਈ ਮੁਢ ਤੋਂ ਹੀ ਮਾਪੇ ਆਪਣੇ ਬੱਚਿਆਂ ਨੂੰ ਭਾਵੇਂ ਲੜਕੇ ਹੋਣ ਤੇ ਭਾਵੇਂ ਲੜਕੀਆਂ ਵਿਦਿਯਾ ਦੇ ਕੇ ਉਨਾਂ ਨੂੰ ਇਸ ਯੋਗ ਬਣਾਉਣਾ ਆਪਣਾ ਫਰਜ਼ ਸਮਝਦੇ ਹਨ ਕਿ ਉਹ ਆਪਣੀ ਉਦਰਪੂਰਤਾ ਲਈ ਕਿਸੇ ਦਾ ਸਹਾਰਾ ਨ ਤਕਣ । ਇਸਤ੍ਰੀ ਦੀ ਆਰਥਕ ਸੁਤੰਤਾ ਹੀ ਪੱਛਮੀ ਇਸਤ੍ਰੀ ਦੀ ਉਨਤੀ ਦਾ ਮੁਢਲਾ ਕਾਰਨ ਹੈ ।
