੨੮੪
ਪੂਰਬ ਅਤੇ ਪੱਛਮ
ਹੋਣੇ ਚਾਹੀਦੇ ਹਨ ਕਿ ਮੁਲਕ ਦੀਆਂ ਰਾਜਸੀ ਪਾਰਟੀਆਂ ਦੇ ਅਸੂਲਾਂ ਤੇ ਮੁਢਲੇ ਮੰਤਵਾਂ ਦੀ ਦੀਰਘ ਪੜਚੋਲ ਕੀਤੀ ਜਾਵੇ ਅਤੇ ਉਨ੍ਹਾਂ ਨੂੰ ਨਵੇਂ ਸਿਰੇ ਕੌਮੀ ਖਿਆਲਾਂ ਦੇ ਅਧਾਰ ਤੇ ਰੰਭ ਕੀਤਾ ਜਾਵੇ। ਜੋ ਪਾਰਟੀ ਆਪਣੇ ਹੋਛੇ ਤੇ ਕਮੀਨੇ ਰਵੱਈਏ ਤੇ ਜ਼ਿੰਦ ਕਰੇ ਉਸ ਨਾਲ ਸਾਰੇ ਮਲਟਰ ਵਲੋਂ ਨਾ-ਮਿਲਵਰਤਣ ਹੋਣਾ ਚਾਹੀਦਾ ਹੈ ਅਤੇ ਉਸਦੇ ਲਡਰਾਂ ਨੂੰ ਕੌਮੀ ਜ਼ਿੰਦਗੀ ਵਿਚੋਂ ਬਾਹਰ ਕਰਨਾ ਚਾਹੀਦਾ ਹੈ। ਰਾਜਸੀ ਲੀਡਰਾਂ ਨੂੰ ਆਪ ਹੀ ਚਾਹੀਦਾ ਹੈ ਕਿ ਉਹ ਆਪਣੀਆਂ ਤੰਗ-ਖਿਆਲੀਆਂ ਅਤੇ ਮਜ਼ਬੀ, ਫਿਰਕੇਦਾਰੀਆਂ ਜਾਂ ਆਪਣੇ ਧੜੇ ਦੇ ਖਿਆਲਾਂ ਨੂੰ ਛੱਡ ਕੇ ਮੁਲਕ ਦੀ ਸਮੁਚੀ ਉੱਨਤੀ ਦੇ ਯਤਨ ਕਰਨੇ ਆਪਣਾ ਪ੍ਰਮ ਧਰਮ ਸਮਝਣ। ਮੁਲਕ ਦਾ ਦਰਦ, ਕੌਮੀਅਤ, ਕੌਮੀ ਆਜ਼ਾਦੀ, ਦੇਸ਼ ਪਿਆਰ, ਆਦਿ ਗੁਣ ਰਾਜਸੀ ਲੀਡਰਾਂ ਦੀ ਜ਼ਿੰਦਗੀ ਦਾ ਖਾਸ ਹਿੱਸਾ ਹੋਣਾ ਚਾਹੀਦੇ ਹਨ। ਪੱਛਮੀ ਦੇਸ਼ਾਂ ਪਾਸੋਂ ਸਾਨੂੰ ਇਹ ਸਿੱਖਿਆ ਜ਼ਰੂਰ ਸਿੱਖ ਚਾਹੀਦੀ ਹੈ ਕਿ ਮੁਲਕ ਦੀ ਆਜ਼ਾਦੀ ਲਈ ਹਰ ਸੰਭਵ ਕੁਰਬਾਨੀ ਵੱਡੀ ਨਹੀਂ ਅਤੇ ਇਸ ਨੂੰ ਕਿਸੇ ਭੀ ਕੀਮਤ ਤੇ ਵੇਚਣਾ ਆਦਮੀ ਦਾ ਧਰਮ ਨਹੀਂ।
