ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੨੦ )
ਜ਼ਿਮੀਂਦਾਰ:-ਜੀ, ਓਹ ਚਮਿਆਰ ਹੋਇਆ।
ਸੁਕਰਾਤ:-ਚਮਿਆਰ ਤੁਹਾਥੋਂ ਵੱਖਰਾ ਪਰੇ ਕਿਉਂ ਬੈਠੇ?
ਜ਼ਿਮੀਂਦਾਰ:-ਓਹ ਗੰਦਾ ਕੰਮੀ ਜੁ ਹੋਇਆ।
ਸੁਕਰਾਤ:-ਕੀ ਜੇ ਓਹ ਤੁਹਾਨੂੰ ਹੱਥ ਲਾਏਗਾ ਤਾਂ ਤੁਸੀ ਭਿੱਟ ਜਾਓਗੇ?
ਜ਼ਿਮੀਂਦਾਰ:-ਕਿਉਂ ਨਾਂ?
ਸੁਕਰਾਤ:-ਤੁਸੀ ਸਾਰੇ ਏਸੇ ਪਿੰਡ ਦੇ ਜੰਮ ਈ ਓ?
ਜ਼ਿਮੀਂਦਾਰ:-ਤੁਸੀ ਏਹੋ ਜਹੀਆਂ , ਘੋਖਾਂ ਕਿਉਂ ਘੋਖਦੇ ਓ? ਤੁਸੀ ਏਹਨਾਂ ਵਿੱਚੋਂ ਕੱਢਣਾ ਕੀ ਏ?
ਸੁਕਰਾਤ:-ਤੁਹਾਨੂੰ ਕੀ, ਮੈਂ ਕੀ ਕੱਢਣਾ ਏਂ, ਮੈਂ ਬੁੱਢਾ ਜੁ ਹੋਇਆ, ਕਦੀ ਕਦੀ ਮੇਰਾ ਮਨ ਖਿੰਡ ਜਾਂਦਾ ਹੈ।
ਜ਼ਿਮੀਂਦਾਰ:-ਜੀ, ਅਸੀ ਸਾਰੇ ਏਸੇ ਪਿੰਡ ਈ ਜੰਮੇ ਸਾਂ।
ਸੁਕਰਾਤ:-ਜਦ ਤੁਹਾਡੇ ਕੋਈ ਬਾਲ ਕੁੜੀ ਹੋਣਾ ਹੁੰਦਾ ਏ ਤਾਂ ਤੁਸੀ ਕੋਈ ਸਿਆਣੀ ਤੀਵੀਂ ਸੱਦ ਘੱਲਦੇ ਓ?
ਜ਼ਿਮੀਂਦਾਰ:-ਜੀ ਹਾਂ, ਸਾਡੇ ਪਿੰਡ ਇੱਕ ਦਾਈ ਏ।
ਸੁਕਰਾਤ:-ਤਾਂ ਓਹ ਕਿਸੇ ਜ਼ਿਮੀਂਦਾਰ ਦੇ ਘਰੋਂ ਹੋਵੇਗੀ?