ਇਹ ਸਫ਼ਾ ਪ੍ਰਮਾਣਿਤ ਹੈ
ਸਾਵੇ ਪੀਲੇ ਲਾਵਣ ਝੜੀਆਂ।
ਬਾਗਾਂ ਦੇ ਵਿਚ ਪੀਘਾਂ ਚੜ੍ਹੀਆਂ।
ਮਾਣਨ ਮੌਜਾਂ ਕੋਈ ਲੈ ਛੜੀਆਂ।
ਬਿਨ ਪੀ ਸੌਣ ਨਾ ਭਾਵੇ ਨੀ।
ਸਦ ਲਿਆਵੋ ਸ਼ਾਮ ਰੰਗੀਲੇ ਨੂੰ।
ਮੇਰੇ ਸਾਂਉਲੇ ਰੰਗ ਰੰਗੀਲੇ ਨੂੰ॥
ਨੈਣਾ ਦੇ ਵਿਚ ਮੇਰੇ ਵਸਦਾ।
ਸੁਰਮੇ ਵਾਂਗੂੰ ਘੁਲ ਘੁਲ ਰਸਦਾ।
ਨਜ਼ਰ ਨ ਆਵੇ ਦਿਲ ਪਿਆ ਖਸਦਾ।
ਅਖ ਪੁਤਲੀ ਭੇਦ ਨਾ ਪਾਵੇ ਨੀ।
ਫੜ ਲਿਆਵੋ ਸ਼ਾਮ ਰੰਗੀਲੇ ਨੂੰ।
ਮੇਰੇ ਸੱਜਨ ਰੰਗ ਰੰਗੀਲੇ ਨੂੰ॥
ਭਾਦਰੋਂ-
ਬਿਨ ਪਿਆਰੇ ਮਨ ਸੋਕੜਾ, ਨੈਣੀ ਨੀਰ ਤਰੇ॥
ਭਾਦਰੋਂ ਭਰ ਭਰ ਅੱਖੀਆਂ ਰੋਵਾਂ।
ਹੰਝੂਆਂ ਮੋਤੀ ਮਾਲ ਪਰੋਵਾਂ।
ਨੈਨ ਕਟੋਰੇ ਪਾਣੀ ਢੋਵਾਂ।
ਮਤ ਮਨ ਚਾਹਵੇ ਦਾਸੀ ਨੂੰ।
ਜਾ ਘਲੋ ਸ਼ਾਮ ਅਬਿਨਾਸ਼ੀ ਨੂੰ।
ਕਹੋ, ਛਡੇ ਹੁਣ ਹਾਸੀ ਨੂੰ॥
੧੩੩
