ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਦੇਸ
ਨਾਦਰ ਸ਼ਾਹ ਤੇ ਸਿਤਾਰਾ
ਹਿੰਦ ਵਿਚ ਮੁਗਲ ਹਕੂਮਤ ਤੇ-ਜਿਸ ਦੀਆਂ ਜੜਾਂ ਸਤ ਸਦੀਆਂ ਵਿਚ ਕਾਫੀ ਮਜ਼ਬੂਤ ਹੋ ਗਈਆਂ ਸਨ-ਇਕ ਵਕਤ ਅਜਿਹਾ ਵੀ ਆਇਆ, ਜਦ ਉਹ ਨਾਦਰ ਸ਼ਾਹ ਦੇ ਜ਼ਾਲਮ ਤੇ ਲਹੂ ਪੀਣੇ ਹਥਾਂ ਵਿਚ ਇਕ ਕਮਜ਼ੋਰ ਜਾਨਵਰ ਵਾਂਗ ਫੜ ਫੜਾ ਰਹੀ ਸੀ! ਨਾਦਰ ਸ਼ਾਹ ਨੂੰ ਯਕੀਨ ਸੀ ਕਿ ਜਿਨ੍ਹਾਂ ਹਸਰਤਾਂ ਨੂੰ ਸੀਨੇ ਵਿੱਚ ਦਬਾਈ ਸਕੰਦਰ ਵਾਪਸ ਮੁੜਿਆ ਸੀ ਉਨਾਂ ਦੇ ਪ੍ਰਫੁਲਤ ਹੋਣ ਵਿਚ ਥੋੜੀ ਹੀ ਦੇਰੀ ਬਾਕੀ ਹੈ।
ਜਦ ਉਹ ਤਖਤ ਪੁਰ ਬੈਠਾ, ਤਾਂ ਈਰਾਨ ਦੀ ਹਾਲਤ ਬੜੀ ਡਾਵਾਂ ਡੋਲ ਸੀ। ਤੁਰਕੀ, ਅਫਗਾਨਿਸਤਾਨ ਤੇ ਰੂਸੀ ਹਕੂਮਤਾਂ ਚਹੁੰ ਪਾਸਿਉਂ ਮੂੰਹ ਟਡੀ ਖੜੋਤੀਆਂ ਸਨ। ਬਗਾਵਤਾਂ ਤੇ ਸਾਜ਼ਸ਼ਾਂ ਨਾਲ ਮੁਲਕ ਬੇਹਦ ਕਮਜ਼ੋਰ ਹੋ ਗਿਆ ਸੀ, ਪਰ ਨਾਦਰ ਦੀ ਸਿਆਣਪ ਨਾਲ
-੧੩੬-
