ਪੰਨਾ:ਪ੍ਰੀਤ ਕਹਾਣੀਆਂ.pdf/37

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਹਿੰਦ ਦੀ ਇਕ ਬੜੀ ਸੁੰਦਰ ਤੇ ਵੜੀ ਰਿਆਸਤ ਦਾ ਰਾਜ ਕੁਮਾਰ ਸੰਨ ੧੯੧੯ ਵਿਚ ਲਖਾਂ ਪੌਂਡ ਲੈ ਕੇ ਵਲੈਤ ਦੀ ਸੈਰ ਨੂੰ ਨਿਕਲਿਆ। ਲੰਦਨ ਵਿਚ ਰਾਬਿਨਸਨ ਨਾਂ ਦੀ ਵਿਆਹੁਤ ਸੁੰਦਰੀ ਨਾਲ ਉਸਦਾ ਮੇਲ ਹੋਇਆ। ਕੁਝ ਚਿਰ ਪਿਛੋਂ ਉਸ ਕੁੜੀ ਨਾਲ ਸਬੰਧ ਇੰਨੇ ਗੁੜੇ ਹੋ ਗਏ, ਕਿ ਰਾਜਕੁਮਾਰ ਨੇ ਉਸ ਨੂੰ ਆਪਣੇ ਦੇਸ ਲੈ ਆਣ ਦਾ ਵਿਚਾਰ ਬਣਾ ਲਿਆ।
ਇਕ ਦਿਨ ਜਦ ਇਹ ਰਾਜ ਕੁਮਾਰ, ਸੇਂਟ ਜੇਮਜ਼ ਐਂਡ ਐਲਬਨੀ ਨਾਂ ਦੇ ਇਕ ਹੋਟਲ ਵਿਚ ਰਾਬਿਨਸਨ ਨਾਲ ਰੰਗ ਰਲੀਆਂ ਮਨਾ ਰਿਹਾ ਸੀ, ਤਾਂ ਅਚਾਨਿਕ ਤਿੰਨ ਯੋਰਪੀਨਾਂ ਨੇ ਉਸ ਨੂੰ ਇਸੇ ਦਿਸ਼ਾ ਵਿਚ ਫੜ ਲਿਆ। ਰਾਜ ਕੁਮਾਰ ਘਬਰਾ ਕੇ ਮੰਝਿਉਂ ਉਠ ਖੜੋਤਾ, ਉਸਦਾ ਸਾਰਾ ਸਰੀਰ ਕੰਬ ਰਿਹਾ ਸੀ, ਤੇ ਸਾਹਮਣੇ ਖੁਲ੍ਹੇ ਵਾਲੀਂ ਰਾਬਿਨਸਨ ਲੇਟੀ ਹੋਈ ਸੀ।
ਇਹ ਤਿੰਨ ਯੋਰਪੀਨ ਕੋਣ ਸਨ?
ਇਕ ਸੀ ਮਾਂਟੇਗੋ ਨੋਇਲ ਨੀਉਟਨ, ਦੁਜਾ ਸੀ ਰਾਜ ਕੁਮਾਰ ਦਾ ਆਇਰਿਸ਼ ਏ.ਡੀ. ਸੀ ਕੈਪਟਨ ਚਾਰਲਸ ਵਿਲੀਅਮਜ਼ ਆਰਥਰ, ਤੇ ਤੀਜਾ ਹਾਬਸ ਨਾਂ ਦਾ ਇਕ ਬੜਾ ਹੁਸ਼ਿਆਰ ਵਕੀਲ ਸੀ। ਕੈਪਟਨ ਆਰਥਰ ਨੇ ਰਾਜ ਕੁਮਾਰ ਨੂੰ ਡਰਾਇਆ ਤੇ ਦਸਿਆ ਕਿ ਉਸ ਦੇ ਨਾਲ ਵਾਲਾ ਮਿ: ਰਾਬਿਨਸਨ ਹੈ। (ਜਿਹੜਾ ਅਸਲ ਵਿਚ ਨਿਊਟਨ ਸੀ) ਤੇ ਉਹ ਆਪਣੀ ਪਤਨੀ ਨੂੰ ਉਸਦੇ ਰਾਜ ਕੁਮਾਰ ਨਾਲ ਵਿਭਚਾਰੀ ਹੋਣ ਕਾਰਣ ਤਲਾਕ ਦੇ ਦੇਵੇਗਾ, ਤੇ ਤਲਾਕ ਦੀ ਕਾਰਵਾਈ ਦੀ ਲਪੇਟ ਵਿਚ ਰਾਜ ਕੁਮਾਰ ਦਾ ਆ ਜਾਣਾ ਕੁਦਰਤੀ ਗਲ ਹੈ। ਇਸ ਦਾ ਅਸਰ ਇਹ ਹੋਵੇਗਾ, ਕਿ ਮੌਜੂਦਾ ਮਹਾਰਾਜੇ ਪਿਛੋਂ ਉਸ ਦੇ ਤਖਤ ਦੇ ਕਾਨੂੰਨੀ ਵਾਰਸ ਹੋਣ ਵਿਚ ਭਾਰੀਆਂ ਅੜਿਚਨਾਂ ਪੈ ਜਾਣਗੀਆਂ।
ਰਾਜ ਕੁਮਾਰ ਹਾਲੀਂ ਨਵਾਂ ਨਵਾਂ ਜਵਾਨੀ ਵਿਚ ਪੈਰ ਰੱਖ

-੩੭-