ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
ਮਸਰਾਂ ਦੀ ਦਾਲ਼ ਕੁੜੇ
ਬੂ ਛੜਿਆਂ ਦਾ ਬੂ ਛੜਿਆਂ ਦਾ
ਮੰਦੜਾ ਹਾਲ ਕੁੜੇ
ਛੜਾ ਛੜੇ ਨੂੰ ਬੋਲੇ
ਰੋਟੀ ਪਰਸੋਂ ਦੀ
ਹੇਠ ਜਾੜ੍ਹ ਦੇ ਬੋਲੇ
ਤੋਰ ਤੁਰੇ ਜਦ ਵਾਂਗ ਹੰਸ ਦੇ
ਸੱਪ ਵਾਂਗੂੰ ਵਲ ਖਾਵੇ
ਬਸਰੇ ਦਾ ਲਹਿੰਗਾ ਗੌਰਜੈਟ ਦਾ
ਛਮ ਛਮ ਲਕ ਹਲਾਵੇ
ਕੁੜਤੀ ਜਾਕਟ ਪਾਪਲੈਨ ਦੀ
ਹੱਥ ਰੁਮਾਲ ਸਜਾਵੇ
ਮੱਛਲੀ ਵੈਰਨ ਦੀ-
ਅੱਗ ਛੜਿਆਂ ਨੂੰ ਲਾਵੇ
ਪੱਚੀਆਂ ਗਜ਼ਾਂ ਦਾ ਮੈਂ
ਘੱਗਰਾ ਸਵਾਨੀ ਆਂ
ਘਗਰਾ ਸਵਾਵਾਂ
ਕਾਲ਼ੇ ਸੂਫ ਦਾ ਨੀ
ਜਾਵੇ ਸ਼ੂਕਦਾ
ਜਾਵੇ ਸ਼ੂਕਦਾ
ਛੜੇ ਦੀ ਹਿਕ ਫੂਕਦਾ ਨੀ
ਜਾਵੇ ਸ਼ੂਕਦਾ
ਕੋਰੋ ਕੋਰੇ ਕੁੱਜੇ ਵਿਚ
ਦਹੀਂ ਮੈਂ ਜਮਾਉਨੀ ਆਂ
ਤੜਕੇ ਉਠ ਕੇ ਰਿੜਕਾਂਗੇ
ਛੜੇ ਆਉਣਗੇ ਲੱਸੀ ਨੂੰ, ਝਿੜਕਾਂ ਗੇ
132 - ਬੋਲੀਆਂ ਦਾ ਪਾਵਾਂ ਬੰਗਲਾ
