ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
ਸਾਡੀ ਗਲ਼ੀ ਇਕ ਛੜਾ ਸੁਣੀਂਦਾ
ਨਾਂ ਉਹਦਾ ਕਰਤਾਰੀ
ਨੀ ਇਕ ਦਿਨ ਮੈਥੋਂ ਦਾਲ਼ ਲੈ ਗਿਆ
ਕਹਿੰਦਾ ਬੜੀ ਕਰਾਰੀ
ਨੀ ਚੰਦਰੇ ਨੇ ਹੋਰ ਮੰਗਲ਼ੀ-
ਮੈਂ ਵੀ ਕੜਛੀ ਬੁਲ੍ਹਾਂ ਤੇ ਮਾਰੀ
ਢਹਿ ਗਿਆ ਛੜੇ ਦਾ ਕੋਠਾ
ਨੀ ਚਾਰ ਚੁਫੇਰੇ ਪਾਣੀ ਪਾਣੀ
ਡਿਗ ਪਈ ਖਾ ਕੇ ਗੋਤਾ
ਨੀ ਚਿੱਕੜ ਵਿਚੋਂ ਮਸਾਂ ਮੈਂ ਨਿਕਲ਼ੀ-
ਗੁੱਤ ਦਾ ਲਿੱਬੜ ਗਿਆ ਗੋਟਾ
ਅੱਖੀਆਂ ਮਾਰ ਗਿਆ-
ਜ਼ੈਲਦਾਰ ਦਾ ਪੋਤਾ
ਮੌਜ ਭਰਾਵੋ ਰਹਿੰਦੀ
ਚਹੁੰ ਡੱਕਿਆਂ ਨਾਲ਼
ਅੱਗ ਮੱਚ ਪੈਂਦੀ
ਆਪੇ ਰੋਟੀ ਲਹਿੰਦੀ
ਛੜਿਆਂ ਦੀ ਉੱਖਲੀ ਤੇ-
ਸ਼ਹਿਕੇ ਮੋਰਨੀ ਬਹਿੰਦੀ
ਬਾਪ ਛੜੇ ਦਾ ਮਰਿਆ
ਭੌਂ ਭਰਾਵਾਂ ਵੰਡਲੀ
ਅੱਡ ਵਿਚਾਰਾ ਕਰਿਆ
ਛੜਾ ਵਿਚਾਰਾ ਬੋਲਦਾ ਨੀ
ਵਿਚ ਹਰਖ ਦੇ ਭਰਿਆ
ਤੇਰੀ ਕੁਦਰਤ ਤੇ-
ਸਭ ਕੋਈ ਹੈ ਡਰਿਆ
133 - ਬੋਲੀਆਂ ਦਾ ਪਾਵਾਂ ਬੰਗਲਾ
