ਇਹ ਸਫ਼ਾ ਪ੍ਰਮਾਣਿਤ ਹੈ
ਛੜਾ ਛੜੇ ਨਾਲ਼ ਕਰੇ ਦਲੀਲਾਂ
ਆਪਾਂ ਵਿਆਹ ਕਰਵਾਈਏ
ਪੰਜ ਤਾਂ ਆਪਾਂ ਸੂਟ ਬਣਾਈਏ
ਨਾਲ਼ ਕਰਾਈਏ ਸੱਗੀ
ਦਲੀਲਾਂ ਕਰਦੇ ਦੀ-
ਦਾੜ੍ਹੀ ਹੋਗੀ ਬੱਗੀ
ਫੇਰ ਤੰਦੂਰ ਤਪਾਇਆ
ਅੱਗ ਤਾਂ ਛੜੇ ਦੀ ਮਚਣੋਂ ਰਹਿਗੀ
ਭੱਜ ਕੇ ਗੰਧਾਲੀ ਲਿਆਇਆ
ਐਡੇ ਹਰਖੀ ਨੇ-
ਵਿਆਹ ਕਿਉਂ ਨਾ ਕਰਵਾਇਆ
ਦੇਖ ਕੇ ਛੜਿਆਂ ਨੂੰ
ਕਿਉਂ ਸੜਦੀਆਂ ਮੁਟਿਆਰਾਂ
ਛੜਿਆਂ ਦੇ ਲੇਖ ਸੜਗੇ
ਨਾ ਭਾਲ਼ਿਆਂ ਮਿਲਦੀਆਂ ਨਾਰਾਂ
ਜਿਉਂਦੀ ਤੂੰ ਮਰਜੇਂ-
ਕੱਢੀਆਂ ਛੜੇ ਨੂੰ ਗਾਲ਼ਾਂ
ਆਪਾਂ ਵਿਆਹ ਕਰਵਾਈਏ
ਜਿਹੜੀ ਆਪਾਂ ਵਿਆਹ ਕੇ ਲਿਆਈਏ
ਛੱਜ ਟੂੰਮਾਂ ਦਾ ਪਾਈਏ
ਗੱਡੀ ਵਿਚ ਰੋਂਦੀ ਨੂੰ-
ਘੁੱਟ ਕੇ ਕਾਲਜੇ ਲਾਈਏ
ਛੜਾ ਛੜੇ ਨੂੰ ਦਸਦਾ
ਸੁਪਨੇ ਵਿਚ ਵਿਆਹ ਸੀ ਮੇਰਾ
134 - ਬੋਲੀਆਂ ਦਾ ਪਾਵਾਂ ਬੰਗਲਾ
