ਇਹ ਸਫ਼ਾ ਪ੍ਰਮਾਣਿਤ ਹੈ
ਮੈਂ ਵਹੁਟੀ ਨਾਲ਼ ਸੀ ਹਸਦਾ
ਤੜਕੇ ਨੂੰ ਉਜੜ ਗਿਆ-
ਚੰਗਾ ਭਲਾ ਘਰ ਵਸਦਾ
ਦੇਖ ਛੜੇ ਨਾਲ਼ ਲਾ ਕੇ
ਪਹਿਲਾਂ ਤੇਰੇ ਭਾਂਡੇ ਮਾਂਜੂ
ਫੇਰ ਦਊਗਾ ਪਕਾ ਕੇ
ਬਹਿਜਾ ਪਟੜੇ ਤੇ-
ਰੇਬ ਪਜਾਮਾ ਪਾ ਕੇ
ਤੂੰਹੀਓਂ ਸਾਕ ਕਰਾ ਦੇ
ਸੱਤਰ ਕੀਲੇ ਭੋਂਇਂ ਜੱਟ ਦੀ
ਭਾਵੇਂ ਬੈ ਕਰਵਾ ਦੇ
ਜੇ ਤੈਨੂੰ ਹਮਦਰਦੀ-
ਸਾਕ ਭੈਣ ਦਾ ਲਿਆ ਦੇ
ਛੜੇ ਕਰਮਾਂ ਦੇ ਮਾਰੇ
ਪਹਿਲਾਂ ਤਾਂ ਇਹ ਰੱਬ ਨੇ ਝਿੜਕੇ
ਫੇਰ ਲੋਕਾਂ ਨੇ ਫਿਟਕਾਰੇ
ਇਹਨਾਂ ਛੜਿਆਂ ਨੂੰ-
ਨਾ ਝਿੜਕੀਂ ਮੁਟਿਆਰੇ
ਦੇਖ ਛੜੇ ਨਾਲ਼ ਲਾ ਕੇ
ਛੜਾ ਤਾਂ ਤੈਨੂੰ ਐਂ ਰੱਖ ਲੈਂਦਾ
ਹਿੱਕ ਦਾ ਵਾਲ਼ ਬਣਾ ਕੇ
ਲੱਗੀਆਂ ਸਿਆਲ ਦੀਆਂ
ਟੁੱਟੀਆਂ ਪਿੜਾਂ ਵਿਚ ਜਾ ਕੇ
135 - ਬੋਲੀਆਂ ਦਾ ਪਾਵਾਂ ਬੰਗਲਾ
