ਇਹ ਵਰਕਾ ਤਸਦੀਕ ਕੀਤਾ ਗਿਆ ਏ
ਛੜਾ ਛੜਾ ਨਾ ਕਰਿਆ ਕਰ ਨੀ
ਦੇਖ ਛੜੇ ਨਾਲ਼ ਲਾ ਕੇ
ਪਹਿਲਾਂ ਛੜਾ ਤੇਰੇ ਭਾਂਡੇ ਮਾਂਜੇ
ਲਾ ਕੜਛੀ ਤੋਂ ਲਾ ਕੇ
ਵਿਛੀਆਂ ਸੇਜਾਂ ਤੇ-
ਸੌਂ ਜਾ ਮਨ ਚਿਤ ਲਾ ਕੇ
ਦੇਖ ਛੜੇ ਨਾਲ਼ ਲਾ ਕੇ
ਭਾਂਡੇ ਟਾਂਡੇ ਸਾਰੇ ਮਾਂਜਦੂੰ
ਕੜਛੀ ਪਤੀਲਾ ਲਾ ਕੇ
ਲੱਗੀਆਂ ਸਿਆਲ ਦੀਆਂ-
ਟੁੱਟੀਆਂ ਪਿੜਾਂ ਵਿਚ ਜਾ ਕੇ
ਛੜਿਆਂ ਨੇ ਅੰਬ ਤੜਕੇ
ਧੰਨੀ ਆਈ ਬੇਲੂਆ ਫੜਕੇ
ਛੜਿਆਂ ਨੇ ਅੰਬ ਖਾ ਵੀ ਲਏ
ਧੰਨੀ ਮੁੜਗੀ ਢਿਲੇ ਜਹੇ ਬੁਲ੍ਹ ਕਰਕੇ
ਧੰਨੀਏਂ ਨਾ ਮੁੜ ਨੀ
ਆਪਾਂ ਚੱਲਾਂਗੇ ਪਹਿਰ ਦੇ ਤੜਕੇ
ਬੋਤਾ ਚੋਰੀ ਦਾ-
ਮੇਰੀ ਹਿੱਕ ਤੇ ਜੰਜੀਰੀ ਖੜਕੇ
ਮਾਮੀ ਨਖਰੋ ਚੜ੍ਹਗੀ ਡੇਕ
ਟੁਟ ਗਿਆ ਟਾਹਣਾ
ਆ ਗਈ ਹੇਠ
ਬੋਚੋ ਬੋਚੋ ਵੇ ਛੜਿਓ
ਚੱਕਲੋ ਚੱਕਲੋ ਵੇ ਮੁੰਡਿਓ
136 - ਬੋਲੀਆਂ ਦਾ ਪਾਵਾਂ ਬੰਗਲਾ
