ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/151

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਮੈਨੂੰ ਕਹਿੰਦਾ ਪੇਕੇ ਨੀ ਜਾਂਦੀ
ਮੈਨੂੰ ਕਹਿੰਦਾ ਪੇਕੇ ਨੀ ਜਾਂਦੀ
ਜਦ ਮੈਂ ਉਠ ਗਈ ਪੇਕੇ
ਜੈ ਵੱਢੀ ਦਾ ਕੁਲੱਛਣਾ
ਰੂੜੀ ਚੜ੍ਹ ਚੜ੍ਹ ਦੇਖੇ

ਕਾਲ਼ਾ ਕੁੜਤਾ ਸਜੇ ਜੰਜੀਰੀ

ਸ਼ਾਮ ਮੇਰੇ ਦਾ ਬਾਣਾ
ਗੋਭੀ ਦੀ ਮੈਂ ਦਾਲ਼ ਬਣਾਵਾਂ
ਸ਼ਾਮ ਮੇਰੇ ਦਾ ਖਾਣਾ
ਤੜਕ ਫੜਕ ਮੈਂ ਚੜ੍ਹੀ ਚੁਬਾਰੇ
ਸਿਰ ਦੇ ਹੇਠ ਸਿਰਹਾਣਾ
ਸਿੰਘ ਜੀ ਹੁਕਮ ਕਰੋ-
ਮੈਂ ਪੇਕਿਆਂ ਨੂੰ ਜਾਣਾ

ਬਾਰੀਂ ਬਰਸੀਂ ਖੱਟਣ ਗਏ

ਖਟਕੇ ਲਿਆਂਦਾ ਚੀਣਾ
ਪਿਓਕੇ ਜਾਂਦੀ ਨੂੰ-
ਬਲਦ ਜੋੜਤਾ ਮੀਣਾ

ਅਸਾਂ ਤਾਂ ਮਾਹੀਆ ਦਰ ਦੇ ਸਾਹਮਣੇ

ਉੱਚਾ ਚੁਬਾਰਾ ਪਾਉਣਾ
ਅਸਾਂ ਤਾਂ ਮਾਹੀਆ ਦਰ ਦੇ ਸਾਹਮਣੇ
ਉੱਚਾ ਚੁਬਾਰਾ ਪਾਉਣਾ
ਵਖਰੇ ਹੋ ਕੇ ਕਰਨੀ ਮਰਜ਼ੀ
ਆਪਣਾ ਹੁਕਮ ਚਲਾਉਣਾ
ਬਈ ਰੱਖਣਾ ਤਾਂ ਤੇਰੀ ਮਰਜ਼ੀ
ਪੇਕੇ ਜਾ ਕੇ ਮੜਕ ਨਾਲ਼ ਆਉਣਾ

ਬਾਗਾਂ ਦੇ ਵਿਚ ਕੋਇਲ ਬੋਲਦੀ

ਬਾਗਾਂ ਦੇ ਵਿਚ ਕੋਇਲ ਬੋਲਦੀ
ਕਰਦੀ ਦਾਣਾ ਦਾਣਾ

149 - ਬੋਲੀਆਂ ਦਾ ਪਾਵਾਂ ਬੰਗਲਾ